Sumarstörf 2026 – Ráðgjafi á meðferðarheimili hjá Barna- og fjölskyldustofu
Vilt þú starfa sumarið 2026 sem ráðgjafi í afleysingu á meðferðarheimili hjá Barna- og fjölskyldustofu. Við leitum að ábyrgum, jákvæðum og sveigjanlegum einstaklingum í sumarafleysingar. Ráðgjafar á meðferðarheimili sinna krefjandi en afar gefandi starfi þar sem þeir veita skjólstæðingum stuðning og leiðsögn í daglegu lífi og skapa öruggt og styðjandi umhverfi fyrir þá.
Vinsamlegast skráið þá starfsstöð sem þið helst viljið starfa á í reitinn "annað" neðst á umsóknareyðublaðinu. Vekjum athygli á því að ekki öll heimilin eru staðsett á höfuðborgarsvæðinu (sjá hér að neðan). Möguleiki er á að leysa af á fleiri en einum stað. Áhugasöm eru hvött til að sækja um sem fyrst, en unnið verður úr umsóknum jafnóðum og þær berast.
Í boði er starf ráðgjafa á eftirfarandi starfsstöðvum:
Félagsleg bráðamóttaka ungmenna – Á höfuðborgarsvæðinu
Meðferðarheimilið Esja – Á höfuðborgarsvæðinu
Stuðningsheimilið Blönduhlíð – Á höfuðborgarsvæðinu
Lækjarbakki – Gunnarsholti á Suðurlandi
Meðferðarheimilið Bjargey – Laugalandsskóla í Eyjafjarðarsveit
- Einstaklingsbundinn stuðningur við skjólstæðinga í samvinnu við stjórnendur og sérfræðinga.
- Meðferðarvinna undir handleiðslu sérfræðinga og vinna að tómstundastarfi með skjólstæðingum.
- Samskipti við foreldra og samstarfsaðila.
- Vinna eftir verklagsreglum og þeim gagnreyndu aðferðum sem unnið er eftir á heimilinu.
- Umönnun, stuðningur við athafnir daglegs lífs og tryggja öryggi skjólstæðinga.
- Almenn heimilisstörf.
- Önnur verkefni í samráði við stjórnendur.
- Reynsla og/eða menntun sem nýtist í starfi, t.d. við meðferðarstarf, öryggisgæslu, tómstunda- eða íþróttastarf.
- Áhugi og/eða reynsla af að vinna meðferðferðarvinnu með unglingum.
- Mjög góð hæfni í mannlegum samskiptum er nauðsynleg.
- Mjög gott líkamlegt atgervi og andlegt heilbrigði.
- Frumkvæði, sjálfstæði og skipulag í vinnubrögðum.
- Sveigjanleiki og þjónustulund.
- Góð íslenskukunnátta í mæltu og rituðu máli.
- Gild ökuréttindi.
Íslenska
Enska
