Sumarafleysingar í Heimastuðningi
Heimastuðningur Dalvíkurbyggð leitar eftir starfsfólki í sumarafleysingar. Um er að ræða bæði dagvinnustörf og vaktavinnu. Starfshlutfall samkomulag.
Í Heimastuðningi starfar hópur starfsmanna í teymisvinnu, bæði faglærðir og ófaglærðir.
Heimastuðningur er samþætt stoðþjónusta í heimahúsum og markmið þjónustunnar er að aðstoða, leiðbeina og veita persónulegan stuðning sem miðar að því að gera fólki kleift að búa sem lengst heima og stuðla að auknum lífsgæðum og sjálfstæði.
Stuðningur er veittur við athafnir daglegs lífs, aðstoð við heimilshald, heilsueflingu og félagslega þátttöku.
Umsækjendur þurfa að hafa náð 18 ára aldri og hafa bílpróf.
Umsækjendur þurfa einnig að hafa gott vald á íslensku.
Laun eru greidd skv kjarasamningi Kjalar og Dalbæjar
Upplýsingar um starfið veitir Guðrún Magnúsdóttir deildarstjóri í síma 466-1379 eða í tölvupósti [email protected]
Aðstoð við heimilishald. Aðstoð við persónulegt hreinlæti og aðrar athafnir daglegs lífs. Aðstoð við hreyfingu og heilsueflingu . Samskipti og stuðningur er miðar að því að rjúfa félagslega einangrun.
Íslenska
