Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Stöðuvörður - Umhverfis- og skipulagssvið

Hafnarfjarðarbær óskar eftir að ráða stöðuvörð. Um er að ræða nýtt starf í þjónustumiðstöð á umhverfis- og skipulagssviði og er staðsett að Norðurhellu 2. Um er að ræða 100% stöðu.

Í þjónustumiðstöð Hafnarfjarðar eru 20 stöðugildi og starfa starfsmenn við mjög fjölbreytt viðhaldsverkefni á svæðum bæjarins sem og við stofnanir.

Helstu verkefni og ábyrgð:

Stöðuvörður hjá Hafnarfjarðarbæ hefur eftirlit með stöðu ökutækja í samræmi við umferðarlög, lögreglusamþykkt Hafnarfjarðarbæjar og aðrar gildandi reglur
Starfið felur jafnframt í sér markvisst eftirlit með númerslausum ökutækjum á bæjarlandi og að koma upplýsingum um slík ökutæki til viðeigandi aðila
Önnur verkefni samkvæmt starfslýsingu

Menntunar- og hæfniskröfur:

Stúdentspróf eða sambærileg menntun
Æskilegt er að umsækjandi hafi reynslu af sambærilegum störfum
Þekking á umferðarlögum og reglum sveitarfélaga er kostur
Góð samskiptahæfni og færni í þjónustu við almenning
Góð íslenskunátta í orði og riti
Grunnfærni í notkun tölvu- og snjalltækja
Vera orðin 20 ára
Almenn ökuréttindi
Hreint sakavottorð

Nánari upplýsingar veitir Hafsteinn Viktorsson, forstöðumaður þjónustumiðstöðvar, í síma 585-5670 eða í gegnum tölvupóst: [email protected]

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 9. febrúar 2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt30. janúar 2026

Umsóknarfrestur9. febrúar 2026

Tungumálahæfni