Lögfræðingur þingflokks

Flokkur Fólksins óskar eftir að ráða lögfræðing. Um er að ræða spennandi, en jafnframt krefjandi starf í stjórnmálum. Starfsmaður þingflokks sinnir mikilvægum verkefnum fyrir þingmenn flokksins og tekur virkan þátt í stjórnmálastarfi flokksins á Alþingi.

Um Flokk Fólksins:

Stjórnmálaflokkurinn Flokkur fólksins var stofnaður árið 2016. Flokkurinn fékk 13,8% atkvæða í síðustu Alþingiskosningum árið 2024 og er með 10 kjördæmakjörna þingmenn. Hugmyndafræði flokksins felst fyrst og fremst í félagshyggju, svo sem bættum velferðarmálum og auknum stuðningi við þá sem standa höllum fæti í samfélaginu.

Helstu verkefni og ábyrgð

Þingmálagerð; aðstoð við gerð frumvarpa, þingsályktunartillagna, nefndarálita, breytingartillagna o.fl.
Aðstoð við dagleg störf þingmanna; ræðu- og greinaskrif, upplýsingaöflun, fundahöld o.fl.
Greiningarvinna og úrlausn lögfræðilegra álitaefna.
Önnur tilfallandi verkefni í þágu þingflokksins.

Menntunar- og hæfniskröfur

Fullnaðarpróf í lögfræði (embættis- eða meistarapróf) er skilyrði.
Gott vald á ritun texta á íslensku er skilyrði.
Reynsla af þingmálagerð er æskileg.
Reynsla af ræðu- og greinarskrifum er æskileg.
Þekking og áhugi á stjórnmálum og störfum Alþingis er kostur.
Frumkvæði í starfi og góð samskiptahæfni.

Um er að ræða 100% starf. Um laun og önnur kjör gildir kjarasamningur Félags starfsmanna Alþingis. Á Alþingi er mötuneyti, heilsurækt og hjólageymsla. Starfsmaður hefur aðgang að bílastæði í nágrenni við þinghúsið. Einnig er hægt að sækja um samgöngustyrk vegna vistvænna ferðamáta.

Fólk er hvatt til að sækja um stöðuna, óháð flokksaðild eða hvort það hafi tekið beinan þátt í stjórnmálum eða ekki.

Umsóknarfrestur er til 17. janúar

Nánari upplýsingar eru veittar í gegnum umsoknir@flokkurfolksins.is

Einungis er tekið á móti rafrænum umsóknum.

Auglýsing birt8. janúar 2025

Umsóknarfrestur17. janúar 2025

Tungumálahæfni