Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Starfsmaður á heimili fyrir fatlað fólk - Erluás

Hafnarfjarðarbær óskar eftir að ráða metnaðarfullan starfsmann til starfa við þjónustu á heimili fyrir fatlað fólk.

Unnið er eftir hugmyndafræði þjónandi leiðsagnar með áherslu á að íbúum líði vel í þægilegu og öruggu umhverfi.

Í boði er spennandi og fjölbreytt starf í vaktavinnu. Um er að ræða 80–100% starfshlutfall. Viðkomandi þarf að geta unnið dag-, kvöld- ,nætur- og helgarvaktir.

Helstu verkefni og ábyrgð:

Veita þjónustunotendum stuðning við athafnir daglegs lífs
Fylgja þjónustuáætlunum og verklagsreglum
Virkja íbúa til þátttöku í samfélaginu og tómstundum
Hafa gaman í vinnunni og vera öðrum fyrirmynd
Almenn heimilisstörf
Samskipti við ýmsa þjónustuaðila
Önnur verkefni samkvæmt starfslýsingu

Menntunar- og hæfniskröfur:

Reynsla af sambærilegu starfi æskileg
Áhugi á málefnum fatlaðs fólks
Íslenskukunnátta skilyrði, A2 tungumálastaðall ETM Sjálfsmatsrammi (coe.int)
Þjónustulund og jákvæðni í starfi
Hæfni í mannlegum samskiptum
Ágætis tölvukunnátta
Ökuréttindi skilyrði
Sjálfstæð vinnubrögð og sveigjanleiki í starfi
Líkamleg geta til þess að sinna verkefnum á vinnustað

Æskilegt er að hafa náð 20 ára aldri, en skilyrði er að hafa hreint sakavottorð.

Umsókn fylgi greinargóð ferilskrá og kynningarbréf.

Frekari upplýsingar um starfið veitir Hrund Brynjólfsdóttir, forstöðuþroskaþjálfi á netfangið [email protected] eða Thelma Rut Ragnarsdóttir, deildarstjóri í síma 585-5720.

Laun eru samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 9. júlí 2026

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Auglýsing birt24. júní 2026

Umsóknarfrestur9. júlí 2026

Tungumálahæfni

Íslenska

Nauðsyn

Meðalhæfni

Staðsetning

Erluás 68, 221 Hafnarfjörður

Starfstegund

Starfsgreinar

Starfsmerkingar

Fleiri störf (24)