Skóla- og frístundaliði í baðvörslu - Íþróttahús Hraunvallaskóla

Skólinn hefur þá sérstöðu að innan veggja hans er rekinn bæði leik- og grunnskóli. Segja má að nemendur hefji skólagöngu sína átján mánaða í Hraunvallaskóla og ljúki henni við sextán ára aldur. Hraunvallaskóli starfar eftir hugmyndafræði opna skólans og er byggingin hönnuð með það í huga. Kennsla er miðuð við að mæta ólíkum þörfum einstaklinga sem læra að skipuleggja nám sitt sjálfir og meta árangur sinn. Kennarar vinna saman í teymum í kennslustundum og við skipulagningu og undirbúning kennslunnar. Nemendur í sama árgangi eru í sameiginlegum umsjónarhópum með sameiginlega umsjónarkennara á sínum heimasvæðum. Dyggðir Hraunvallaskóla eru vinátta – samvinna – ábyrgð.

Dyggðir Hraunvallaskóla eru vinátta – samvinna – ábyrgð.

Ráðningatímabil er frá 15. ágúst til 31. maí. Starfshlutfall er um 57%.

Unnið er eftir vaktarúllu þar sem vinnutími er frá 16.00- 22.30 2 x í viku virka daga og annan hvern föstudag og frá kl. 10-16 annan hvern laugadag.

Helstu verkefni og ábyrgð:

• Sér um baðvörslu í íþróttahúsi Hraunvallaskóla
• Sér um þrif í íþróttahúsinu
• Tekur á móti og aðstoðar þá sem leigja tíma í íþróttahúsi Hraunvallaskóla frá kl. 16:00
• Sinnir gangavörslu og eftirliti með húsnæði og búnaði, heldur göngum og salernum snyrtilegum.
• Önnur verkefni sem yfirmaður felur starfsmanni

Menntunar- og hæfniskröfur:

• Reynsla af starfi með börnum er æskileg
• Mikill áhugi og metnaður til að starfa með börnum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Góð íslenskukunnátta. Miðað er við hæfniviðmið C1 samkvæmt viðmiðum Evrópska tungumálarammans.
• Almenn tölvukunnátta

Gerð er krafa um hreint sakavottorð við ráðningu.

Nánari upplýsingar um starfið veitir Lars J. Imsland skólastjóri, [email protected], og Aðalbjörg Sigurðardóttir aðstoðarskólastjóri [email protected] eða í síma 590 2800.

Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 7. júlí 2026.

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.