Starfsfólki í félagslega liðveislu

Félagsþjónusta Árborgar auglýsir eftir starfsfólki í félagslega liðveislu auk annarra starfsmanna í fjölbreytt störf tengd málefnum fatlaðs fólks og stuðningsþjónustu samkvæmt félagsþjónustulögum. Um er að ræða hlutastörf sem henta vel með námi eða öðru starfi og getur vinnutími verið sveigjanlegur.

Markmið félagslegrar liðveislu er að veita einstaklingum félagslegan stuðning sem miðar að því að rjúfa félaglega einangrun og að liðveisluþegi geti notið menningar og félagslífs.

Umsækjendur þurfa að vera 18 ára eða eldri, ábyrgir og jákvæðir. Um er að ræða skemmtileg og lærdómsrík störf, sem krefjast hæfni í mannlegum samskiptum, frumkvæði og sjálfstæðis í vinnubrögðum. Æskilegt er að viðkomandi hafi bílpróf og bíl til umráða.