Skóla- og frístundaliði - Víðistaðaskóli

Við auglýsum eftir drífandi og kraftmiklum skóla- og frístundaliðum til að taka þátt í metnaðarfullu skólastarfi með okkur í 50-100% starfshlutfalli.

Í Víðistaðaskóla eru áhugasamir og skemmtilegir nemendur, metnaðarfullt starfsfólk og öflugur foreldrahópur. Við leggjum áherslu á góðan starfsanda, teymiskennslu, fjölbreytta kennsluhætti, nemendalýðræði, líðan nemenda og að þeir nái góðum árangri í leik og starfi. Eftir að hefðbundnum skóla lýkur geta nemendur í 1.–4. bekk farið í frístundaheimilið Hraunkot. Þar er boðið er upp á fjölbreytt tómstundastarf til kl.16:30, alla virka daga, óháð getu, þroska eða fötlun barna. Sérstök áhersla er lögð á að koma til móts við alla hópa.

Leiðarljós skólans eru Ábyrgð - Virðing – Vinátta.

Víðistaðaskóli er heildstæður grunnskóli með nemendur í 1. til 10. bekk. Í skólanum er unnið eftir SMT skólafærni þar sem lögð er áhersla á að styrkja og efla jákvæð samskipti milli nemenda sem annarra í skólasamfélaginu. Víðistaðaskóli er heilsueflandi grunnskóli og starfar í anda grænfánans þar sem lögð er áhersla á umhverfismennt og útikennslu.

Helstu verkefni og ábyrgð:

• Aðstoðar við almennt bekkjarstarf undir leiðsögn kennara
• Tekur á móti nemendum á morgnanna
• Aðstoðar í matsal og við undirbúning matmálstíma
• Sinnir frímínútnagæslu, fylgd og gæslu í daglegu skólastarfi
• Sinnir gangavörslu og eftirliti með húsnæði og búnaði, heldur göngum og salernum snyrtilegum yfir daginn
• Starfar með nemendum með sértæka vanda
• Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

• Reynsla af starfi með börnum er æskileg
• Mikill áhugi og metnaður til að starfa með börnum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góð íslenskukunnátta, að lágmarki C1 samkvæmt ETM Sjálfsmatsramma (coe.int)
• Almenn tölvukunnátta

Skilyrði fyrir ráðningu er að viðkomandi hafi hreint sakavottorð

Nánari upplýsingar veita Arnór Heiðarsson, skólastjóri, í síma 595-5800, [email protected]

og Valgerður Júlíusdóttir, aðstoðarskólastjóri, í síma 6645891, [email protected]

Umsóknarfrestur er til og með 19. ágúst 2026.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.