Sérfræðingur í sölu- og markaðsmálum

Mannauðslausnir Advania leita að jákvæðum, drífandi og þjónustulunduðum einstaklingi með reynslu af sölu- og markaðsmálum.

Við leitum að kraftmiklum einstaklingi til að leiða sölu- og markaðsmál Mannauðslausna Advania. Markmið okkar er að styðja vinnuveitendur við að auka árangur og starfsánægju með snjallri nýtingu launa- og mannauðskerfa. Við bjóðum upp á fjölbreytt og krefjandi starfsumhverfi með góðum tækifærum til vaxtar.

Hjá okkur starfar öflugur hópur sérfræðinga með áratuga reynslu í þróun og ráðgjöf á sviði launa- og mannauðsmála. Lausnir okkar eru meðal annars H3 launa- og mannauðskerfi, tímaskráningarkerfin Bakvörður og Vinnustund, auk Samtals, Flóru, Matráðar og ráðningarkerfisins 50skills. Sérfræðingur í sölu og markaðsmálum heyrir beint undir forstöðumann og vinnur náið með vörustjórum og verkefnastjórum, bæði við innleiðingu nýrra viðskiptavina og við að byggja upp langtímasambönd við viðskiptavini.

Helstu verkefni

• Leiða sölu- og markaðsmál Mannauðslausna Advania
• Veita ráðgjöf og selja vörur Mannauðslausna sem henta þörfum viðskiptavina
• Kortleggja viðskiptatækifæri í takt við þróun markaðarins
• Skipuleggja markaðsviðburði, svo sem veffundi og kynningar
• Undirbúa tilboð, loka samningum og tryggja eftirfylgni
• Byggja upp og viðhalda sterkum tengslum við nýja og núverandi viðskiptavini
• Þróa og innleiða söluferla í samstarfi við teymið
• Vinna í nánu samstarfi við markaðssvið Advania til að tryggja samræmi og hámarksárangur í markaðsstarfi
• Taka þátt í öðrum tengdum verkefnum eftir þörfum

Hæfniskröfur

• Drifkraftur, frumkvæði og ástríða fyrir sölu og markaðsmálum
• Skipulagshæfni og sjálfstæði í vinnubrögðum
• Framúrskarandi samskipta- og tengslahæfni
• Gott auga fyrir viðskiptatækifærum
• Þrautsegja og úthald til að fylgja verkefnum eftir
• Menntun í viðskiptafræði, markaðsfræði eða sambærilegu
• Reynsla af sölu og markaðsmálum
• Þekking á CRM kerfum er kostur
• Þekking og áhugi á upplýsingatækni
• Færni í samningagerð og Excel
• Góð íslensku- og enskukunnátta, bæði töluð og skrifuð
• Reynsla af launa- og mannauðsmálum er kostur

Ef þú hefur áhuga á starfinu en uppfyllir ekki allar kröfur, hvetjum við þig samt til að sækja um – þú gætir verið rétti einstaklingurinn fyrir þetta eða annað starf hjá okkur.