Sérfræðingur í rekstri og þróun stafrænna miðla
Við leitum að öflugum liðsauka til þess að leiða rekstur og þróun á vefsíðu Orku náttúrunnar, hönnun persónulegs viðmóts við upplýsingamiðlun til viðskiptavina og leiða þróun á snjallsímaforriti fyrir ánægðustu viðskiptavini á raforkumarkaði síðastliðin 5 ár skv. Íslensku Ánægjuvoginni.
Orka náttúrunnar er leiðandi afl í nýsköpun, þróun endurnýjanlegrar orku og í fararbroddi sameiginlegrar vegferðar okkar að orkuskiptum.
Við framleiðum og seljum rafmagn til allra landsmanna auk þess að framleiða heitt vatn fyrir höfuðborgarsvæðið.
Við erum aflvaki sjálfbærrar framtíðar með grænni orku frá náttúru til viðskiptavina.
Sérfræðingur í rekstri og þróun stafrænna miðla miðla gegnir lykilhlutverki við þróun, rekstur og samskipti tengd málaflokknum. Viðkomandi mun vinna þvert á Orku náttúrunnar en jafnframt eiga í nánu samstarfi við starfsfólk móðurfélagsins, Orkuveitunnar.
Þeir eiginleikar sem við leitum eftir eru framúrskarandi samstarfs- og samskiptahæfileikar í bland við metnað og útsjónarsemi.
Við metum reynslu af sérfræðihlutverkum á sviði vefþróunar og -reksturs mikils og teljum mikilvægt að viðkomandi búi yfir sambærilegri reynslu af snjallsímaforritum.
Góð færni í íslensku og ensku er skilyrði, ekki síst í rituðu máli enda reynir starfið á færni við textasmíð og framsetningu efnis á miðlana.
Starfið krefst frumkvæðis til þess að mæta þeim áskorunum sem felast í kvikri samkeppni á einstaklings- og fyrirtækjamarkaði.
Ofar öllu öðru leitum við að einstaklingi sem hefur brennandi áhuga á hanna með okkur framúrskarandi notendaupplifun á stafrænum miðlum ON.
Á meðal helstu verkefna eru daglegur rekstur á stafrænum miðlum ON, samskipti við efniseigendur og hagaðila, þróun og prófanir á nýjum lausnum auk þátttöku í áætlunar- og stefnumótunarvinnu.
-
Frumkvæði og metnaður
-
Leiðtogahæfileikar
-
Þekking á helstu veftólum
-
Reynsla af vefstjórn
-
Reynsla af þróun og rekstri snjallsímaforrita
-
Brennandi áhugi á framúrskarandi notendaupplifum
-
Háskólamenntun sem nýtist í starfi