Laus störf Hæfnileit Vinnustaðir Námskeið

Fræðslumiðstöð atvinnulífsins (FA)

Fræðslumiðstöðin atvinnulífsins er sérfræði- og þróunarsetur fyrir framhaldsfræðslu á Íslandi. Hlutverk okkar er að veita fólki á vinnumarkaði sem ekki hefur lokið námi á framhaldsskólastigi, tækifæri til að afla sér menntunar eða bæta stöðu sína. Það gerum við meðal annars með því að greina hæfnikröfur starfa, vinna að þróun raunfærnimats, auka framboð á vottuðu námi og efla ráðgjöf um nám og störf. Allt okkar starf miðast að hagsmunum atvinnulífsins og markhópsins. Fræðslumiðstöð atvinnulífsins er í eigu SA, ASÍ, BSRB, SÍS og fjármálaráðuneytis. Nánari upplýsingar um Fræðslumiðstöð atvinnulífsins á www.frae.is

Vinnustaðurinn

SÉRFRÆÐINGUR HJÁ HÆFNISETRI FERÐAÞJÓNUSTUNNAR

Hæfnisetur ferðaþjónustunnar leitar að hugmyndaríkum, skapandi og öflugum liðsfélaga í starf sérfræðings. Helstu verkefni eru meðal annars fræðslu- og kynningarheimsóknir til fyrirtækja. Hæfnisetrið er vistað hjá Fræðslumiðstöð atvinnulífsins (FA). Sjá nánar á www.hæfni.is

Helstu verkefni og ábyrgð

Styðja við, þróa og efla hæfni og fagmennsku stjórnenda og starfsfólks í ferðaþjónustu, m.a. á sviði sjálfbærni og stafrænna lausna
Náin samvinna við atvinnulíf og hagaðila
Heimsóknir og samskipti til að stuðla að samvinnu um fræðslu og menntun
Greina fræðsluþarfir fyrirtækja í ferðaþjónustu og þróa lausnir
Miðlun upplýsinga og efnis á samfélagsmiðla og efnisveitur
Textagerð og efnissköpun
Ýmis önnur verkefni

Menntunar- og hæfniskröfur

Menntun og/eða rík reynsla sem nýtist í starfi
Haldgóð reynsla af fræðslu- og/eða mannauðsmálum
Rík samstarfs- og samskiptahæfni
Frumkvæði og sjálfstæði í vinnubrögðum
Reynsla af kynningar- og markaðsmálum æskileg
Reynsla af starfi í ferðaþjónustu er kostur
Mjög góð tölvufærni
Góð færni, bæði í ræðu og riti, á íslensku og ensku

Um 80% starf er að ræða og æskilegt að viðkomandi geti hafið störf í byrjun október 2024. Ráðið er til starfsins til 12 mánaða með möguleika á áframhaldi starfi.

Umsóknarfrestur er til og með 28. júní 2024

Með umsókn skal fylgja ítarleg ferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Sótt er um starfið á www.mognum.is

Nánari upplýsingar veita

Sigríður Ólafsdóttir; [email protected]

Hildur Betty Kristjánsdóttir; [email protected]

Fræðslumiðstöð atvinnulífsins (FA) ehf. er í eigu Alþýðusambands Íslands, Samtaka atvinnulífsins, BSRB, Sambands íslenskra sveitarfélaga og fjármálaráðuneytisins. FA er samstarfsvettvangur aðila vinnumarkaðarins um fullorðins- og starfsmenntun á íslenskum vinnumarkaði í samstarfi við aðrar fræðslustofnanir á vegum aðildarsamtakanna.

Hlutverk FA er að vera leiðandi í að greina, meta og auka hæfni fólks í námi, starfi og samfélagi. Hjá FA starfa 15 manns á sviði fullorðinsfræðslu. Markmiðið er að veita fólki, sem ekki hefur lokið námi á framhaldsskólastigi, tækifæri til að afla sér menntunar eða efla stöðu sína á vinnumarkaði. Framhaldsfræðslan er fimmta stoð íslenska menntakerfisins.

Auglýsing birt14. júní 2024

Umsóknarfrestur28. júní 2024

Tungumálahæfni