Laus störf Hæfnileit Vinnustaðir Námskeið

Fífusalir

Heilsuleikskólinn Fífusalir stendur við Salaveg 4 í Kópavogi og er sex deilda leikskóli fyrir 106 börn. Leikskólinn er fyrsta stig skólakerfisins og upphaf formlegrar menntunar einstaklinga. Við í Heilsuleikskólanum Fífusölum veitum öllum börnum tækifæri til að njóta bernsku sinnar. Áhersla er lögð á að hvert barn fái að njóta sín á sínum forsendum til að styrkja sjálfsmynd þess. Í starfi leikskólans mynda hugtökin uppeldi, umönnun og menntun eina heild þar sem börnunum er sýnd virðing og umhyggja. Kennarar Fífusala starfa eftir hugmyndafræði John Dewey og Berit Bae. Dewey leggur mikið upp úr lýðræðislegum kennsluaðferðum og uppgötvunarnám. Samkvæmt Bae eru samskipti okkar helsta verkfæri til náms, því er mikilvægt að kennarar og börn séu meðvituð um samskipti sín á milli og hlúi vel að þeim. Einkunnarorð Fífusala, virðing – uppgötvun – samvinna, eru sprottin af þessari hugmyndafræði. Þau eiga við bæði börn og kennara og marka allt daglegt starf.

Vinnustaðurinn

Aðstoðarleikskólastjóri í Heilsuleikskólann Fífusali

Heilsuleikskólinn Fífusalir óskar eftir aðstoðarleikskólastjóra

Heilsuleikskólinn Fífusalir starfar eftir Heilsustefnu Unnar Stefánsdóttur. Mikið er lagt upp úr hreyfingu og listsköpun innan leikskólans. Unnið er eftir lýðræðislegum kennsluaðferðum og uppgötvunarnámi. Í leikskólanum stunda 106 börn nám og lagt er upp með að allir fái verkefni við hæfi.

Einkunnarorð Fífusala eru virðing - uppgötvun - samvinna

Nánari upplýsingar um Fífusali er hægt að finna á http://fifusalir.kopavogur.is/

Helstu verkefni og ábyrgð

Er aðstoðarmaður leikskólastjóra og ber ásamt honum ábyrgð á rekstri skólans
Er staðgengill í fjarveru leikskólastjóra og starfar þá samkvæmt starfslýsingu hans
Vinnur ásamt leikskólastjóra að daglegri stjórnun leikskólans og skipulagningu skólastarfsins
Er faglegur leiðtogi og mentor fyrir aðra starfsmenn
Tekur þátt í launavinnslu, skýrslu- og áætlanagerð
Tekur þátt í foreldrasamstarfi, upplýsingagjöf og kynningu á skólanum
Sinnir þeim verkefnum er varðar stjórnun leikskólans sem yfirmaður felur honum

Menntunar- og hæfniskröfur

Kennaramenntun og leyfisbréf kennara. Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða diplóma að lágmarki) á sviði stjórnunar eða uppeldis- og menntunafræða
Reynsla af starfi og stjórnun í leikskóla
Forystuhæfni og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð tölvukunnátta
Góð íslensku- og enskukunnátta og færi til að tjá sig bæði í ræðu og riti

Fríðindi í starfi

Styttri vinnuvika - stytting að hluta til notuð í páskafrí, tvö vetrarfrí og jólafrí.

Starfsfólk Kópavogsbæjar fær frían aðgang að sundlaugum bæjarins.

Vekjum athygli á nýjum nálgunum er varða bætt starfsumhverfi barna og kennara í leikskólum Kópavogs. Sjá nánar hér

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og Félags leikskólakennara.

Umsóknarfrestur er til og með 15 nóvember 2026. Ráðið verður í stöðuna eftir samkomulagi.

Einstaklingar sem ráðnir eru til starfa í leikskólum Kópavogs þurfa að undirrita heimild til upplýsingaöflunar úr sakaskrá og skrifa undir trúnaðaryfirlýsingu.

Nánari upplýsingar veitir Erla Stefanía Magnúsdóttir, leikskólastjóri í síma 441-5201 og

í gsm 840-2677.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Hægt er að sækja um starfið í gegnum ráðningarvef Alfreðs.

Auglýsing birt21. október 2026

UmsóknarfresturEnginn

Tungumálahæfni