Ráðgjafi hjá Klettabæ

Vegna aukinna umsvifa leitar Klettabær að ráðgjöfum í bæði fullt starf og hlutastarf.

Klettabær leitar að öflugum og lausnamiðuðum einstaklingum með jákvætt viðhorf og framúrskarandi samskiptahæfileika til að sinna starfi ráðgjafa þar sem unnið er á vöktum.

Ráðgjafi er virkur í faglegri vinnu og daglegum störfum undir leiðsögn yfirmanna. Ráðgjafar vinna bæði sjálfstætt og í teymi og eru sveigjanlegir í að geta tileinkað sér þá nálgun og verklagsreglur sem unnið er eftir hverju sinni. Starfið krefst góðrar samvinnu og samstarfs við stjórnendur og alla þá sem koma að málum þjónustunotenda.

Klettabær starfrækir sértæk heimili til langs og skamms tíma, býður upp á fjölbreytta og einstaklingsmiðaða þjónustu og brennur fyrir velferð og hagsmuni barna og ungmenna með margþættar þarfir.

Megin markhópur Klettabæjar eru börn og ungmenni með margþættar þarfir sem þurfa sértæka og/eða einstaklingsmiðaða nálgun og þjónustu. Unnið er eftir hugmyndafræðinni áfalla- og tengslamiðaður stuðningur. Markmiðið er að stuðla að jöfnum tækifærum ungs fólks til þátttöku og lífsgæða í samfélaginu.

Starfsánægja, góð starfsaðlögun, markviss þjálfun og fræðsla eru í forgrunni hjá Klettabæ.

Einkennisorð Klettabæjar eru ástríða, fagmennska, gleði og umhyggja.