Óskum eftir matreiðslumanni í afleysingar í 6-8 vikur

Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum? Kvíslarskóli er unglingaskóli, með 7.-10. bekk, sem vinnur í anda uppbyggingarstefnunnar. Við skólann starfar öflugur starfsmannahópur sem vinnur sem ein heild að því að gera gott skólastarf enn betra.
Við leitum að áhugasömum matreiðslumanni í mötuneytiseldhús skólans. Um er að ræða 100% starfshlutfall í 6-8 vikur frá 1.febrúar.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.