Náttúrustofa Suðausturlands ses

Náttúrustofa Suðausturlands er rannsóknastofnun á sviði náttúrufræða sem staðsett er á Hornafirði og með starfsstöð á Kirkjubæjarklaustir. Hún er ein af átta náttúrustofum sem starfræktar eru á Íslandi og er rekin af Sveitarfélaginu Hornafirði og Skaftárhreppi með stuðningi ríkisins. Náttúrustofa Suðausturlands sem staðsett er á Höfn í Hornafirði var stofnuð árið 2013 og árið 2021 voru 4.7 stöðugildi hjá stofunni.

Vinnustaðurinn

Náttúrufræðingur

Náttúrustofa Suðausturlands óskar eftir öflugum náttúrufræðingi á starfstöð stofunnar í Skaftárhreppi. Um er að ræða fullt starf bæði við vettvangsrannsóknir og við úrvinnslu gagna og skýrslu- og greinaskrif. Starfið mótast af sérþekkingu umsækjanda og getur m.a. snúið að þróun nýrra verkefna á sviði náttúrurannsókna. Náttúrustofa Suðausturlands sinnir fjölbreyttum náttúrufarsrannsóknum, t.d. á fuglum, gróðri, jöklum og landformum.

Menntunar- og hæfniskröfur

Háskólapróf í náttúrufræðum er skilyrði
Frumkvæði, sjálfstæði og faglegur metnaður
Góð íslensku- og enskukunnátta
Færni í greiningu og framsetningu gagna
Færni í mannlegum samskiptum
Geta til þátttöku í vettvangsferðum fjarri heimili
Vilji til að ganga í ólík störf
Framhaldsmenntun í náttúrufræðum er kostur
Starfsreynsla á fagsviði er kostur
Þekking á GIS er kostur
Þekking og reynsla í styrkumsóknagerð er kostur
Geta til að hefja störf sem fyrst er kostur

Náttúrustofa Suðausturlands er með starfstöðvar á Höfn í Hornafirði og á Kirkjubæjarklaustri. Laun eru samkvæmt stofnanasamningi Náttúrustofu Suðausturlands og Félags íslenskra náttúrufræðinga.

Umsókn með ferilskrá, meðmælendum og kynningarbréfi þar sem kemur fram hvers vegna umsækjandi vill starfa á Náttúrustofu Suðausturlands og hvað hann hafi fram að færa, sendist til Lilju Jóhannesdóttur forstöðumanns (lilja@nattsa.is) sem einnig gefur nánari upplýsingar. Umsóknarfrestur er til og með 20. nóvember 2024. Til greina kemur að ráða í fleiri en eina stöðu.

Auglýsing birt6. nóvember 2024

Umsóknarfrestur20. nóvember 2024

Tungumálahæfni