Náms- og starfsráðgjafi við Borgarholtsskóla
Náms- og starfsráðgjafi óskast í 100% starf við Borgarholtsskóla frá og með haustönn 2025.
Leitað er að náms- og starfsráðgjafa sem hefur góða þekkingu á iðn- og starfsnámi.
Hlutverk náms- og starfsráðgjafa er fyrst og fremst að vera málsvari og trúnaðarmaður nemenda innan skólans og standa vörð um velferð þeirra. Þá sér hann einnig um málefni er tengjast stoðþjónustu.
· veita upplýsingar og annast ráðgjöf til nemenda í iðn- og starfsnámi um náms- og starfsval
- þjónusta nemendur í vinnustaðanámi t.d. hvað varðar rafræna ferilbók
- hafa yfirsýn yfir nám og ferilbækur nemenda í starfsnámi
· starfa í teymi sviðsstjóra og deildastjóra í iðn- og starfsnámi að skipulagi
· taka þátt í að skipuleggja aðgerðir til að stuðla að betri líðan og farsæld nemenda í skólanum
· sitja í stoðþjónustuteymi skólans
Öll atriði eiga við um dagskólanema, kvöldskólanema og dreifnámsnema.
Háskólamenntun og leyfisbréf náms- og starfsráðgjafa skv. lögum nr. 35/2009.
Menntun sem tengist iðn- og starfsnámi, félagsráðgjöf, fjölskylduráðgjöf og skyld menntun er eftirsóknarverð.
Mikilvægt er að viðkomandi hafi góða hæfni í að vinna með töflureikni og greina gögn.
Íslenska
