Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

Vinnustaðurinn

Tímabundið starf sérfræðings í Barnahúsi

Barna- og fjölskyldustofa auglýsir eftir sérfræðing í Barnahúsi til þess að vinna með börnum og fjölskyldum sem búa við ofbeldi á heimilinu. Til að myndast er stuðst við fjölskyldumiðaða hugræna atferlismeðferð (FM-HAM) sem er gagnreynd meðferð fyrir fjölskyldur þar sem hætta er á að börn séu beitt líkamlegu- og andlegu ofbeldi á heimilinu. Markmið FM-HAM er að hjálpa börnum að takast á við áföll sem þau hafa orðið fyrir, efla foreldra til að ala upp börn sín á áhrifaríkan og öruggan hátt, efla tengsl foreldra og barna og auka öryggi á heimili þeirra. Um er að ræða nýtt úrræði í Barnahúsi í samræmi við Framkvæmdaáætlun á sviði barnaverndar.

Um tímabundna ráðningu til eins árs er að ræða.

Barnahús sinnir málefnum barna sem grunur leikur á að hafi sætt kynferðis- og/eða líkamlegu/andlegu áreitni og ofbeldi.

Helstu verkefni og ábyrgð

Meðferðarviðtöl við börn og fjölskyldur þeirra.
Ráðgjöf og fræðsla til barnaverndarþjónustu.
Skýrslu- og vottorðaskrif.
Þátttaka í kynningarstarfi á starfsemi Barnahúss.
Þátttaka í öðrum verkefnum í samráði við forstöðumann Barnahúss.

Menntunar- og hæfniskröfur

Meistaragráða í félagsráðgjöf, uppeldisfræðum, sálfræði eða sambærileg menntun sem nýtist í starfi.
Viðbótarnám í fjölskyldumeðferð er æskilegt.
Þekking og reynsla á sviði barnaverndar og fjölskyldumeðferðar.
Framúrskarandi hæfni í mannlegum samskiptum.
Frumkvæði, skipulagshæfni og sjálfstæð vinnubrögð.
Sveigjanleiki og þjónustulund.
Góð íslensku og ensku kunnátta skilyrði og önnur tungumálakunnátta er kostur.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélög hafa gert.

Æskilegt er að viðkomandi geti hafið störf sem fyrst. Við úrvinnslu umsókna um starfið gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Fríðindi í starfi