Umhverfis-, orku- og loftslagsráðuneytið

Hlutverk umhverfis-, orku- og loftslagsráðuneytisins er að skapa umgjörð um umhverfisvernd og sjálfbæra nýtingu náttúrugæða með velferð og jafnrétti kynslóðanna að leiðarljósi. Verkefni umhverfis-, orku- og loftslagsráðuneytisins varða meðal annars umhverfis- og náttúruvernd, loftslagsmál, orkumál og sjálfbæra nýtingu auðlinda. Ráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra. Skrifstofur ráðuneytisins eru fjórar samkvæmt skipuriti þess: skrifstofa ráðuneytisstjóra, skrifstofa alþjóðamála, skrifstofa umhverfis og orku og skrifstofa loftslags og náttúru. Innan ráðuneytisins starfa einnig fjögur fagteymi. Fagteymin eru Orkuteymi, Hringrásar- og umhverfisteymi, sem starfa á skrifstofu umhverfis og orku, ásamt Loftslags- og náttúruvárteymi og náttúruverndar og menningarminjateymi, sem starfa innan skrifstofu loftslags og náttúru.

Vinnustaðurinn

Lögfræðingur í loftslagsmálum

Umhverfis-, orku- og loftslagsráðuneytið leitar að reyndum lögfræðingi með áhuga á loftslagsmálum og stefnumótun til starfa í efstu stjórnsýslu landsins.

Við bjóðum krefjandi og áhrifamikið starf þar sem reynsla og þekking nýtist beint við mótun lagaumhverfis, stefnu og aðgerða stjórnvalda í loftslagsmálum.

Hlutverk ráðuneytisins er að framfylgja loftslagsstefnu stjórnvalda og stuðla að því að Ísland standi við alþjóðlegar skuldbindingar sínar. Í starfinu felst meðal annars:

Þróun og útfærsla löggjafar á sviði loftslagsmála
Undirbúningur og eftirfylgni aðgerðaáætlunar stjórnvalda
Vinna að málum er varða aðlögun samfélagsins að loftslagsbreytingum
Fagleg ráðgjöf innan ráðuneytisins og til annarra stjórnvalda
Þátttaka í alþjóðlegu samstarfi og samningaviðræðum

Helstu verkefni og ábyrgð

Leiða undirbúning og gerð frumvarpa og reglugerða
Úrvinnsla flókinna stjórnsýslumála, úrskurða og álita
Stefnumótun og eftirfylgni í loftslagsmálum í samstarfi við ráðuneyti, stofnanir og hagaðila
Ráðgjöf til stjórnvalda, stofnana og almennings
Þátttaka í alþjóðlegu samstarfi og framlagi Íslands á vettvangi EES og alþjóðastofnana

Menntunar- og hæfniskröfur

Kandídats- eða meistarapróf í lögfræði
Reynsla af lögfræðistörfum, helst í opinberri stjórnsýslu eða á sviði umhverfis- og loftslagsmála
Þekking á EES-samningnum og/eða alþjóðlegum skuldbindingum Íslands er æskileg
Mjög gott vald á íslensku og ensku, bæði í ræðu og riti
Frumkvæði, fagleg sjálfstæði og hæfni til að taka afdráttarlausar ákvarðanir
Skipulögð vinnubrögð og geta til að takast á við krefjandi verkefni
Mjög góðir samstarfs- og samskiptahæfileikar
Stafræn færni og hæfni til að nýta nútímatækni við úrlausn verkefna

Um er að ræða fullt starf og tímabundna ráðningu til eins árs með möguleika á ótímabundinni ráðningu.

Með umsókn skal fylgja ferilskrá, prófskírteini og kynningarbréf þar sem umsækjandi gerir grein fyrir ástæðum umsóknar og hvernig viðkomandi uppfyllir hæfniskröfurnar.

Öllum umsóknum verður svarað þegar ákvörðun um ráðningu liggur fyrir. Umsóknir geta gilt í allt að sex mánuði, sbr. reglur nr. 1000/2019 um auglýsingar lausra starfa.

Við hvetjum áhugasama og reynda sérfræðinga, óháð kyni, til að sækja um.

Auglýsing birt30. ágúst 2025

Umsóknarfrestur10. september 2025

Tungumálahæfni