1984 ehf

1984 ehf var stofnað snemma árs 2006. Við erum hýsingarfyrirtæki, Við viljum bjóða vefhýsingu, tölvupóstþjónustu og sýndarþjóna á verði sem er samkeppnishæft á alþjóðlegum markaði og nota umhverfisvæna orku í starfseminni. Við leggjum áherslu á tjáningarfrelsi og tökum ábyrgð okkar mjög alvarlega á því sviði.

Vinnustaðurinn

Linux kerfisstjórn og forritun

Starfið felst í að taka þátt í rekstri og þróun kerfa 1984 ehf. Öll starfsemin byggir á frjálsum hugbúnaði og þar eru Debian GNU/Linux og Python hornsteinar. Við leitum að manneskju sem hefur góða reynslu af almennum kerfisrekstri (3-5 ár minnst) og hefur mjög góð tök á python og bash. Manneskjan þarf ennfremur að geta átt samskipti við viðskiptavini, birgja og samstarfsfólks á íslensku og ensku og aðstoða við lausn aðskiljanlegustu vandamála sem að þeim steðja.

Við leitum að persónu sem getur unnið sjálfstætt og haft frumkvæði.

Helstu verkefni og ábyrgð

Kerfisrekstur og eftirlit með ástandi tölvu- og netkerfa.
Þróun og viðhald afgreiðslu- og rekstrarkerfa.
Aðstoð við viðskiptavini.
Samskipti við birgja, þjónustuaðila og stundum við viðskiptavini.

Menntunar- og hæfniskröfur

Reynsla af kerfisrekstri (3-5 ár)
Þekking á sýndarumhverfi (gjarnan KVM)
Þekking á tölvupóstþjónustu, vefþjónustum og Django er kostur
Python og bash forritun
Reynsla af netkerfum (e. networking) kostur
Lífsreynsla sem hefur kennt umburðarlyndi og dugar til að geta sett sig í spor annarra.

Fríðindi í starfi

Mjög áhugaverð verkefni og afslappað starfsumhverfi.
Þáttaka í líkamsræktarkostnaði
Niðurgreiddur hádegisverður

Við erum lítill vinnustaður og starfsmenn eru dreifðir víða um lönd þannig að einhverskonar fjarvinna er oftast möguleg. Við tökum friðhelgi einkalífs bæði viðskiptavina og starfsfólks mjög alvarlega. Við viljum að á okkar vinnustað líði öllum vel.

Auglýsing birt7. nóvember 2024

Umsóknarfrestur30. nóvember 2024

Tungumálahæfni