Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Leikskólinn Naustatjörn: Starfsfólk í leikskóla

Leikskólinn Naustatjörn á Akureyri óskar eftir að ráða starfsfólk í 80% til 100% stöður. Um er að ræða afleysingastöður, þ.e. starfsfólk fer á milli deilda í sínu starfi en er ekki á sömu deild alla daga.

Stöðurnar eru ótímabundnar og er æskilegt að viðkomandi geti hafið störf sem allra fyrst.

Í Naustatjörn er lögð áhersla á að nemendur fái að kljást við margvísleg verkefni í gegnum sjálfssprottinn leik og að þeir læri af eigin reynslu, virkni og áhuga.

Áhersluþættir skólans eru leikurinn og Jákvæður agi. Aðrir áhersluþættir eru náttúra og umhverfi og er skólinn handhafi Grænfánans.

Einkunnarorð skólans eru Félagsfærni – Endurnýting – Sjálfstæði – Tillitssemi – Athvarf.

Viltu vita meira? Kíktu í rafræna heimsókn á www.naustatjorn.akureyri.is

Næsti yfirmaður starfsfólks í leikskóla er deildarstjóri.

Helstu verkefni og ábyrgð

Vinna að uppeldi og menntun barna.
Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
Þátttaka í gerð skólanámskrár og mati á starfsemi leikskólans undir stjórn deildarstjóra og/eða skólastjóra.
Þátttaka í faglegu starfi skólans undir stjórn deildarstjóra og/eða skólastjóra.
Vinna í nánu samstarfi við foreldra/forráðamenn barnanna.
Sitja fundi sem haldnir eru á vegum leikskólans.

Menntunar- og hæfniskröfur

Óskað er eftir sjálfstæðum, ábyrgum og jákvæðum einstaklingum.
Að eiga auðvelt með mannleg samskipti og vera tilbúin/n til að takast á við skemmtilegt og krefjandi starf með börnum.
Sveigjanleiki í starfi og vera tilbúin/n að ganga í ýmis störf.
Reynsla af starfi með börnum er kostur.
Gott vald á íslensku, bæði í rituðu og töluðu máli.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Starfsmaður leikskóla starfar samkvæmt lögum og reglugerð um leikskóla, öðrum lögum er við eiga, Aðalnámskrá leikskóla, kjarasamningum, mannauðsstefnu Akureyrarbæjar og skólastefnu Akureyrarbæjar.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir skólastjóri, Inga Bára Ragnarsdóttir í síma 414-3750, netfang [email protected]

Áhugasama bjóðum við velkomna í heimsókn.

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 5. maí 2026.

Auglýsing birt22. apríl 2026

Umsóknarfrestur5. maí 2026

Tungumálahæfni

Íslenska

Nauðsyn

Mjög góð

Staðsetning

Hólmatún 2, 600 Akureyri

Starfstegund

Hæfni

JákvæðniMannleg samskiptiSjálfstæð vinnubrögðSveigjanleiki

Starfsgreinar

Starfsmerkingar

Fleiri störf (15)