Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Mótaðu framtíð þekkingar með okkur - verkefnastjóri óskast

Mótaðu framtíð þekkingar með okkur. Opni háskólinn í HR leitar að öflugum verkefnastjóra. Í deildinni starfa fimm verkefnastjórar sem eru hluti af öflugu teymi Opna háskólans. Starfið felur í sér ábyrgð á þróun og umsjón námskeiða Opna háskólans í HR, bæði staðnámskeiða og stafrænna fræðslulausna fyrir einstaklinga og fyrirtæki. Verkefnastjóri heyrir undir forstöðumann Opna háskólans og vinnur í teymi með öðru starfsfólki einingarinnar. Við leitum að aðila með ríka þjónustulund, sem vinnur vel í teymi en getur einnig unnið sjálfstætt.

Helstu verkefni og ábyrgð

Hefur umsjón með tilteknum námskeiðum og viðburðum
Þarfagreining og þróun námskeiða í samstarfi við akademískar deildir háskólans, fagfélög, fyrirtæki og stofnanir.
Skipulagning og framkvæmd námskeiða
Samskipti við viðskiptavini og kennara
Önnur tilfallandi verkefni

Hæfniskröfur

Háskólamenntun sem nýtist í starfi
Rík þjónustulund og lipurð í mannlegum samskiptum.
Frumkvæði og sjálfstæð vinnubrögð
Reynsla af sambærilegum verkefnum er kostur
Góð þekking og skilningur á upplýsingatækni
Fagmennska
Gott vald á íslensku og ensku, jafnt töluðu sem rituðu máli

Með umsókn skal fylgja ferilskrá og kynningarbréf

Umsóknarfrestur er til og með 3. maí

Nánari upplýsingar um starfið veita Ingunn S. Unnsteinsd. Kristensen, forstöðumaður Opna háskólans ([email protected]) eða Elísabet Jóhannesdóttir, mannauðssérfræðingur ([email protected]).

OPNI HÁSKÓLINN

Opni háskólinn í HR býður upp á fjölbreytt úrval námsleiða sem hjálpa þér að þróa nýja færni, styrkja stöðu þína á vinnumarkaði og ná persónulegum og faglegum markmiðum. Námsframboðið nær yfir lengri námslínur, styttri námskeið, sérsniðnar fræðslulausnir fyrir fyrirtæki og námskeið á eigin hraða, sniðið að þörfum samtímans.

HÁSKÓLINN Í REYKJAVÍK

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Auglýsing birt22. apríl 2026

Umsóknarfrestur3. maí 2026

Tungumálahæfni