Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Glerárskóli: Sérkennari

Við Glerárskóla er laus til umsóknar 100% staða sérkennara í 6. - 10. bekk.

Starfið er tímabundið skólaárið 2026-2027 og er ráðið í stöðuna frá 1. ágúst 2026.

Glerárskóli vinnur samkvæmt hugmyndafræði jákvæðs aga og Olweusar. Skólinn er Grænfánaskóli og stundar úti- og grenndarkennslu auk þess að leggja áherslu á læsi, leiðsagnarnám og teymisvinnu. Glerárskóli Erasmus+ vottaður skóli. Glerárskóli er hnetulaus skóli.

Einkunnarorð skólans eru HUGUR-HÖND-HEILBRIGÐI

Viltu vita meira? Kíktu í rafræna heimsókn www.glerarskoli.is

Leitað er að hugmyndaríkum og metnaðarfullum einstaklingi sem hefur sýnt árangur í störfum sínum, á auðvelt með að sýna sveigjanleika, hafa frumkvæði, á auðvelt með öll samskipti og sem leggur áherslu á vellíðan og árangur nemenda í samstarfi við annað starfsfólk, stjórnendur skólans og forráðamenn.

Helstu verkefni og ábyrgð

vera hluti af stoðteymi skólans ásamt sérkennurum, iðjuþjálfa, námsráðgjafa og ÍSAT kennara
sinna sérkennslu nemenda sem þurfa sértæka aðstoð í námi og taka þátt í lausnaleit og vinnu hvað varðar þátttöku þeirra í daglegu skólastarfi
aðstoða umsjónarkennara við gerð einstaklingsmiðaðra náms- og stundaskráa
veita kennurum, nemendum og foreldrum ráðgjöf varðandi nám, kennslu og námsgögn
útbúa kennslugögn og aflar nýrra í samræmi við þarfir einstakra nemanda
vera teymisstjóri í nemendamálum
vera þátttakandi í markvissri nýbreytni og þróunarstarfi stoðþjónustu skólans
starfa undir leiðsögn verkefnastjóra stoðþjónustu
starfa undir stjórn deildarstjóra og skólastjóra skólans

Menntunar- og hæfniskröfur

Kennaramenntun og réttindi til kennslu í grunnskóla
Kennslureynsla í grunnskóla
Reynsla af kennslu nemenda í 6. - 10. bekk kostur
Framhaldsnám á sviði sérkennslu er æskileg
Réttindanám í LOGOS er kostur
Þekking á jákvæðum aga, teymisvinnu og teymisstjórnun er kostur
Vald á fjölbreyttum kennsluaðferðum sem taka mið af mismunandi þörfum, áhuga og getu nemenda, t.a.m. leiðsagnarnámi
Góð þekking á kennslu og uppeldisfræðum auk skólaþróunar
Áhugi og metnaður til að vinna með stoðþjónustuteymi skólans og fylgja sýn hans og stefnu
Gott vald á íslensku, bæði í töluðu og rituðu máli
Hæfni í mannlegum samskiptum
Frumkvæði, samstarfsvilji, sveigjanleiki og víðsýni í starfi
Góðir skipulagshæfileikar, reglusemi og samviskusemi
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Umsókninni skal fylgja greinargóð ferilskrá um störf umsækjanda, menntun og þau verkefni sem hann hefur unnið að og varpað geta ljósi á færni hans til að sinna starfi sérkennara. Þá skal fylgja umsókninni greinargerð um hugmyndir umsækjanda og sýn hans á starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Eyrún Skúladóttir skólastjóri [email protected] og í síma 461-2666.

Einungis er tekið á móti rafrænum umsóknum.

Umsóknarfrestur er til og með 4. maí 2026.

Auglýsing birt20. apríl 2026

Umsóknarfrestur4. maí 2026

Tungumálahæfni

Íslenska

Nauðsyn

Mjög góð

Staðsetning

Geislagata 9, 600 Akureyri

Starfstegund

Hæfni

ÁreiðanleikiDrifkrafturFagmennskaFrumkvæðiHeiðarleikiHugmyndaauðgiJákvæðniKennslaMannleg samskiptiMetnaðurNákvæmniNýjungagirniSjálfstæð vinnubrögðSkipulagStundvísiSveigjanleikiTeymisvinnaVandvirkniÞjónustulundÞolinmæði

Starfsgreinar

Starfsmerkingar

Fleiri störf (11)

Glerárskóli: Skólaliði

Akureyri

Velferðarsvið: Deildarstjóri í stoðþjónustu

Akureyri

Leikskólinn Hagasteinn: Matráður

Akureyri

Leikskólinn Hagasteinn: Leikskólakennarar eða aðrir háskólamenntaðir

Akureyri

Leikskólinn Hagasteinn - starfsfólk í leikskóla