Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Kennari – Leikskólinn Tjarnarás

Leikskólinn Tjarnarás óskar eftir að ráða metnaðarfullan kennara í fullt starf í 100% starf

Leikskólinn Tjarnarás er fjögurra deilda leikskóli í Áslandinu, þar sem stutt er í ósnortna náttúruna. Helstu áherslur í starfi skólans er þátttaka, frumkvæði og sköpun barnanna þar sem frjálsi leikurinn er í fyrirrúmi.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Skilyrði við ráðningu er að viðkomandi hafi hreint sakavottorð.

Fáist ekki starfsmaður með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um, þó þeir hafi ekki kennsluréttindi.

Menntunar- og hæfniskröfur

Starfsleyfi sem kennari (leyfisbréf fylgi umsókn)

Reynsla af uppeldis- og kennslustörfum með ungum börnum æskileg

Góð færni í samskiptum

Frumkvæði í starfi og faglegur metnaður

Sjálfstæð og skipulögð vinnubrögð

Góð íslenskukunnátta

Helstu verkefni og ábyrgð

Að vinna að uppeldi og menntun leikskólabarna

Að taka þátt í skipulagningu faglegs starfs

Að taka þátt í foreldrasamstarfi í samráði við deildarstjóra

Önnur verkefni samkvæmt starfslýsingu og sem yfirmaður felur starfsmanni

Fríðindi í starfi

Forgangur á leikskóla

Samgöngustyrkur

Sundkort

Heilsuræktarstyrkur

75% afsláttur af leikskólagjöldum

Bókasafnskort

Nánari upplýsingar um starfið veitir Hjördís Fenger, leikskólastjóri, [email protected] og Eygló Sif Halldórsdóttir aðstoðarleikskólastjóri [email protected] í síma 5659710

Launakjör eru samkvæmt kjarasamningi Sambands íslenskra sveitarfélaga við KÍ v/ Félags leikskólakennara.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Auglýsing birt25. september 2023

Umsóknarfrestur6. október 2023

Tungumálahæfni

Engar sérstakar tungumálakröfur

Staðsetning

Kríuás 2, 221 Hafnarfjörður

Starfstegund

Starfsgreinar

Starfsmerkingar

Fleiri störf (9)

Teymisstjóri launamála hjá Hafnarfjarðarbæ

Hafnarfjarðarbær