Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Vinnustaðurinn

Hugbúnaðarsérfræðingur Microsoft Power platform

Advania finnur fyrir vaxandi eftirspurn meðal sinna viðskiptavina á Power umhverfinu og vill vera í fararbroddi að bjóða viðskiptavinum að nýta sér þá kosti sem það hefur uppá að bjóða.

Advania leitar eftir forritara í þróunarteymi Power Platform sem samanstendur af fjölbreyttum hópi einstaklinga. Viðkomandi þarf að hafa brennandi áhuga á viðfangsefninu, vera tilbúinn að takast á við síbreytilegt en jafnframt gríðarlega spennandi verkefni hjá viðskiptavinum Advania.

Viðskiptalausnir Advania nýta sér Power Platform umhverfið bæði til að þróa sérsniðin öpp og eigin lausnir fyrir viðskiptavini til að styðja við stafræna vegferð.

Verkefni

Þróun á lausnum í Power Platform umhverfinu (Apps, Pages, Automate)
Ráðgjöf til viðskiptavina tengdum gagnamálum, sjálfvirknivæðingu á ferlum og stafrænni þróun

Menntunar- og hæfniskröfur

Háskólamenntun í tölvunarfræði, hugbúnaðarverkfræði eða sambærilegt nám
Reynsla af þróun í Power Platform er kostur
Áhugi á að tileinka sér nýja tækni og vaxa í starfi
Sjálfstæð og skipuleg vinnubrögð
Sköpunargleði, metnaður, forvitni og frumkvæði

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 18. febrúar 2025
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Viktor Steinarsson, deildarstjóri, [email protected] / 4409000.

Auglýsing birt4. febrúar 2025

Umsóknarfrestur18. febrúar 2025

Tungumálahæfni

Engar sérstakar tungumálakröfur

Staðsetning

Guðrúnartún 10, 105 Reykjavík

Starfstegund

Starfsgreinar

Starfsmerkingar

Fleiri störf (1)