Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Vinnustaðurinn

Hugbúnaðarsérfræðingur í Rafrænni stjórnsýslu

Advania leitar eftir metnaðarfullum hugbúnaðarsérfræðingi til starfa í Rafræna stjórnsýslu, innan hugbúnaðarlausna Advania. Rafræn stjórnsýsla sérhæfir sig í ráðgjöf og þróun á lausnum sem tengjast stafrænni vegferð opinberra aðila. Verkefnin eru að ýmsum toga en markmið lausnanna er að nýta tæknina til þess að styðja við ferla viðskiptavina með snjöllum hætti.

Ef þú ert með bakgrunn í tölvunarfræði eða hugbúnaðarverkfræði þá hvetjum við þig til að sækja um. Við bjóðum uppá spennandi og gott vinnuumhverfi með fjölbreyttum verkefnum og tækifærum.

Starfssvið

Samskipti við hagsmunaaðila
Greining, hönnun og útfærsla á hugbúnaði
Teymisvinna

Hæfniskröfur

Menntun á sviði tölvunarfræði eða hugbúnaðarverkfræði
Þekking af þróun í .NET C#, Javascript, HTML, CSS, SQL
Þekking og reynsla af þróun í React er kostur
Reynsla af Scrum/Agile
Góð samskipta- og greiningarfærni
Frumkvæði og sjálfstæði í vinnubrögðum

Vinnustaðurinn Advania

Advania er alhliða þjónustufyrirtæki í upplýsingatækni og svara lausnir fyrirtækisins þörfum tugþúsunda viðskiptavina í atvinnulífinu.

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsmanna um árabil. Í kjölfar heimsfaraldurs hefur Advania markað sér fjarvinnustefnu og mun starfsmönnum varanlega standa til boða að vinna að hluta til í fjarvinnu. Virk sjálfbærnistefna er hjá fyrirtækinu.

Við fylgjumst grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsmenn og stuttfætta gesti.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 12. desember 2023
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Baldvin Þór Svavarsson / [email protected] / s. 440 9000.

Auglýsing birt30. nóvember 2023

Umsóknarfrestur12. desember 2023

Tungumálahæfni

Engar sérstakar tungumálakröfur

Staðsetning

Guðrúnartún 10, 105 Reykjavík

Starfstegund

Starfsgreinar

Starfsmerkingar

Fleiri störf (1)