Bjargey

Bjargey er meðferðarheimili fyrir unglinga sem tók til starfa 1. júní 2022. Starfsstöð er að Laugalandsskóla í Eyjafjarðarsveit.

Vinnustaðurinn

Hópstjóri á Bjargey, meðferðarheimili í Eyjafirði

Vilt þú taka þátt í krefjandi og gefandi starfi með unglingum? Barna- og fjölskyldustofa auglýsir lausa til umsóknar stöðu hópstjóra á Bjargey, meðferðarheimili fyrir unglinga. Um er að ræða 100% stöðu í vaktavinnu sem heyrir undir forstöðumann Bjargeyjar. Starfsstöð er að Laugalandsskóla í Eyjafjarðarsveit.

Helstu verkefni og ábyrgð

Ábyrgð á vaktstjórn á meðferðarheimilinu utan hefðbundins dagvinnutíma eða í fjarveru yfirmanns. 
Meðferðarvinna, vinna að tómstundastarfi með skjólstæðingum og ábyrgð á að einstaklingsmiðuðu skipulagi sé fylgt.
Einstaklingsbundinn stuðningur við skjólstæðinga í meðferð, í samvinnu við stjórnendur og fagaðila.
Samskipti við foreldra og samstarfsaðila.
Vinna eftir verklagsreglum Bjargeyjar og stefnu stofnunarinnar.
Önnur tilfallandi verkefni samkvæmt starfslýsingu og sem yfirmaður felur starfsmanni.

Menntunar- og hæfniskröfur

Reynsla og/eða menntun sem að mati forstöðumanns nýtist í starfi.
Reynsla og þekking af meðferðarvinnu með unglingum.
Staðgóð þekking og/eða reynsla af notkun áhugahvetjandi samtals og ART er æskileg.
Þekking á áfallamiðaðri nálgun er kostur.
Góð íslensku og ensku kunnátta í mæltu og rituðu máli, önnur tungumálakunnátta er kostur.
Gild ökuréttindi.
Lögð er áhersla á persónulega eiginleika svo sem góða samskiptahæfni, frumkvæði, skipulagshæfni og sjálfstæði í vinnubrögðum. Einnig sveigjanleika, þjónustulund, getu til að vinna í teymi sem og jákvætt viðhorf til skjólstæðinga.

Fríðindi í starfi

Samgöngustyrkur
Heilsustyrkur

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur öll til að sækja um, óháð kyni.

Með umsóknum skulu fylgja upplýsingar um menntun og fyrri störf. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Starfshlutfall er 100%

Umsóknarfrestur er til og með 08.11.2024

Nánari upplýsingar veitir:

Ólína Freysteinsdóttir, olina.freysteinsdottir@bofs.is

Sími: 5308807

Auglýsing birt29. október 2024

Umsóknarfrestur8. nóvember 2024

Tungumálahæfni