Gleðiríkt hlutastarf á Selfoss

Óskum eftir hressu fólki til að aðstoða aðstoða 11 ára gamlan dreng við allar athafnir daglegs lífs. Hann er hress og lífsglaður drengur sem þarf alúð og aðstoð bæði daga og nætur.

Við leitum því að duglegum og sveigjanlegum einstaklingum sem treysta sér til að sinna dag-, helgar- og kvöldvöktum og mögulega næturvöktum með tímanum.

Erum búsett á Selfossi.

Íslenskukunnátta er skilyrði og eins þarf umsækjandi að vera líkamlega hraust/ur. Nauðsynlegt er að umsækjandi hafi bílpróf. Gott er að umsækjandi hafi reynslu af að starfa með fólki með fatlanir en þó er það ekki skilyrði.

Starfið byggir á NPA hugmyndafræði (notendastýrð persónuleg aðstoð). Nánar má lesa um hugmyndafræðina hér: Hugmyndafræðin - NPA miðstöðin. En þó er hér um að ræða barn sem býr hjá foreldrum sínum og því mikilvægt að umsækjendur skilji og beri virðingu fyrir friðhelgi heimilislífsins.

Við fjölskyldan erum að stíga okkar fyrstu skref á NPA vegferðinni og leitum að hressum og kátum einstaklingum sem auðga kærleiksríkt umhverfi fyrir dásamlegan dreng.

Um ráðningu gildir Kjarasamningur NPA miðstöðvarinnar, Eflingar og SGS. NPA miðstöðin er umsýsluaðili NPA samningsins og sér meðal annars um launagreiðslur og ráðningarsamninga. Foreldrar drengsins sjá um starfsviðtöl og hægt er að nálgast nánari upplýsingar um starfið í síma 895-9515.

Bæði hlutastörf og afleysingastörf í boði.