Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Heilsuleikskólinn Asparlaut - Leikskólakennari

Viltu vera hluti af nýjum og framsæknum leikskóla?

Heilsuleikskólinn Asparlaut (áður Garðasel), nýr leikskóli við Skólaveg 54 í Reykjanesbæ, leitar að leikskólakennara sem hefur metnað, framsækna sýn og áhuga á að taka þátt í skólaþróun. Skólinn opnar í byrjun árs 2025 og starfar samkvæmt Heilsustefnunni með áherslu á leik, hreyfingu, næringu og skapandi starf. Aðrar áherslur eru læsi og stærðfræði með aðferðinni Leikur að læra. Skólinn er einnig þátttakandi í verkefninu Heilsueflandi leikskóli á vegum Embættis landlæknis.

Helstu verkefni og ábyrgð

Menntun og umönnun barna í samræmi við þarfir hvers og eins.
Stuðla að andlegri og líkamlegri vellíðan barna.
Taka þátt í faglegri skipulagningu undir stjórn deildarstjóra.
Samstarf við foreldra og forráðamenn.
Vinna samkvæmt lögum og reglum um leikskóla og Aðalnámskrá leikskóla.
Önnur tilfallandi verkefni.

Menntunar- og hæfniskröfur

Leikskólakennaramenntun er æskileg.
Reynsla af störfum með börnum
Frumkvæði og faglegur metnaður.
Jákvæðni, sveigjanleiki og hæfni í mannlegum samskiptum.
Góð íslenskukunnátta.

Ef ekki fæst leikskólakennari til starfa kemur til greina að ráða starfsmann með aðra menntun eða reynslu sem nýtist í starfi.

Ráðning er frá 2. janúar 2025 eða eftir samkomulagi. Um er að ræða 100% starf með 36 stunda vinnuviku. Laun eru samkvæmt samningum Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar www.reykjanesbaer.is undir „Laus störf.“ Umsókn skal fylgja ferilskrá og kynningarbréfi þar sem hæfni umsækjanda er rökstudd. Öllum umsóknum verður svarað.

Frekari upplýisngar veitir: Ingibjörg Guðjónsdóttir leikskólastjóri, í gegnum netfang S. 420-3161.

Áhugasamir einstaklingar, án tillits til kyns, eru hvattir til að sækja um.

Auglýsing birt25. nóvember 2024

Umsóknarfrestur9. desember 2024

Tungumálahæfni