Leikskólasérkennari í sérkennsluteymi

Heilsuleikskólinn Kór sem staðsettur er í Baugakór í Kópavogi auglýsir eftir þroskaþjálfa, kennara og/eða annað uppeldismenntað starfsfólk til að koma í teymið okkar.

Heilsuleikskólinn Kór var byggður sem sex deilda leikskóli og opnaður
árið 2006, með 100 nemendur. Skólar ehf. er 24 ára gamalt félag, sem rekur fjóra aðra heilsuleikskóla í sveitarfélögunum Garðabæ, Reykjavík og Reykjanesbæ.

Allir leikskólar innan vébanda Skóla ehf. starfa í anda heilsustefnunnar sem kjarnast um heilsu og lífsgæði nemenda, starfsfólks og nærsamfélagsins.

Einkunnarorð okkar eru "Heilbrigð sál í hraustum líkama".

Leikskólakennari óskast til starfa frá og með áramótum 2025 í Heilsuleikskólann Kór, Kópavogi.

Nánari upplýsingar er hægt að fá hjá skólastjórnendum í tölvupósti: kor@skolar.is eða í síma 570-4940.

Umsóknarfrestur er til 15. desember

Helstu verkefni og ábyrgð

• Skipuleggja sérkennslu á viðkomandi deild í samvinnu við deildarstjóra og sérkennslustjóra og leiðbeina starfsfólki deildarinnar á þann hátt að starfsfólkið taki þátt í kennslu barna sem þurfa sérkennslu.
• Gera skriflega einstaklingsnámskrá fyrir hvert barn, sem nýtur sérkennslu á deildinni, í samráði við deildarstjóra og sérkennslustjóra.
• Sér um að einstaklingsnámskrám sé framfylgt og þær endurmetnar í samráði við deildarstjóra og sérkennslustjóra
• Veitir börnum sem þurfa á sérkennslu að halda, sérstaka aðstoð og kennslu.
• Gætir þess að barn sem nýtur sérkennslu einagrist ekki, heldur sé hluti af hópnum og eigi hlutdeild í leikskólastarfinu
• Vinnur í nánu samstarfi við foreldra/forsjáraðila barna sem njóta sérkennslu á deildinni og situr fundi og viðtöl með þeim.
• Situr foreldrafundi sem haldnir eru á vegum leikskólans.
• Ber að hafa náið samstarf við sérkennslustjóra og sérkennsluráðgjafa vegna barna sem njóta sérkennslu á deildinni.
• Situr fundi þar sem fjallað er um málefni barna sem þurfa sérfræðiaðstoð eða sérkennslu á deildinni samkvæmt boðun yfirmanns eða hlutaðeigandi aðila.
• Situr starfsmannafundi og aðra fundi sem yfirmaður segir til um og varða starfsemi leikskólans.
• Sinnir þeim verkefnum er varða sérkennslu og öðrum störfum innan leikskólans, sem yfirmaður úthlutar

Næsti yfirmaður er sérkennslustjóri

Menntunar- og hæfniskröfur

• Leyfisbréf kennara eða menntun sem nýtist í starfi s.s. þroskaþjálfi (leyfisbréf fylgi umsókn)
• Reynsla af sérkennslu æskileg
• Áhugi á að vinna með börnum
• Lipurð og sveigjanleiki í samskiptum
• Vilji til að taka þátt í þróun á faglegu starfi og láta til sín taka
• Frumkvæði, sjálfstæði í vinnubrögðum, áhugi og faglegur metnaður í starfi
• Góð íslenskukunnátta er skilyrði