Hefur þú áhuga á vöruþróun, umbótum og verkefnastýringu?

Við leitum að metnaðarfullum og drífandi einstaklingi í deildina þróun og rekstur á Mörkuðum hjá Arion banka. Markaðir veita margvíslega þjónustu tengt eignastýringu, rekstri lífeyrissjóða, markaðsviðskiptum, ásamt Premía þjónustu. Arion banki, ásamt dótturfélögum eru leiðandi í eignastýringu á Íslandi með tæplega 2.000 milljarða króna í eignastýringu og þjónustu.

Þróun og rekstur vinnur þvert á Markaði og ber ábyrgð á þróun, verkefnastýringu, tækni, gæða- og rekstrarmálum sviðsins. Við leitum að einstaklingi í verkefni tengt vöruþróun, umbótum og verkefnastýringu. Starfið felur í sér mikil samskipti við hagsmunaaðila og starfsfólk.