Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri stærri uppbyggingarverkefna

Skrifstofa eignastýringar leitar að verkefnastjóra til að leiða umfangsmikil verkefni með snertifleti við skipulag, hönnun og framkvæmdir. Um nýtt starf er að ræða, næsti yfirmaður er deildarstjóri stærri uppbyggingarverkefna en deildin heldur utan flókin borgarmótunarverkefni bæði stór uppbygginga-og samgönguverkefni. Verkefnastjóri gangsetur skilgreind verkefni innan verkefnastofna, hefur yfirsýn með framvindu þeirra, skilgreinir umfang og gerir viðeigandi áætlanir. Mikilvægur hluti starfsins er að leiða teymisvinnu, innan innan umhverfis- og skipulagssviðs, þvert á fagsvið borgarinnar og eftir atvikum með ytri hagaðilum. Verkefnastjóri, í samvinnu við fagteymi verkefna, ber ábyrgð á að líftími og vegferð s.s. meðferð gagna og upplýsingagjöf séu í samræmi við sett markmið og áætlanir hverju sinni.

Helstu verkefni og ábyrgð

Stýrir verkefnum og verkefnastofnum sem ganga þvert á umhverfis- og skipulagssvið.
Leiðir teymisvinnu stærri verkefna, ábyrgð á undirbúningi og framkvæmd áætlana í tengslum við verkefnin.
Heldur utan um og uppfærir verkefnaskrá deildarinnar.
Þróar og innleiðir viðeigandi aðferðir og tæki verkefnastjórnunar.
Stjórnun á aðkeyptri vinnu ráðgjafa, umsjón með samningagerð og útboði.
Virk upplýsingagjöf, bein samskipti og samráð við íbúa, ráðgjafa, verktaka og aðra hagaðila.
Þátttaka í þverfaglegri teymisvinnu, í einhverjum tilvikum að leiða slíka vinnu.

Menntunar- og hæfniskröfur

Háskólamenntun sem nýtist í starfi ásamt framhaldsmenntun í verkefnastjórnun eða önnur framhaldsmenntun sem nýtist í starfi.
Víðtæk þekking á á faglegri verkefnastjórnun og reynsla af notkun helstu verkefnastjórnunartækja.
Reynsla af skipulags, hönnunar og/eða framkvæmdaverkefnum æskileg
Framúrskarandi samskipta og samstarfshæfni, drifkraftur, frumkvæði og metnaður.
Færni til þess að stýra og vinna í hópum, útdeila verkefnum og fylgja þeim eftir.
Sjálfstæð og öguð vinnubrögð, framsýni og lausnarmiðuð hugsun.
Hæfni til framsetningar og greiningar á flóknum gögnum og miðlun upplýsinga í ræðu og riti.
Þekking og/eða reynsla af opinberri stjórnsýslu er kostur
Íslenskukunnátta C1-C2 skv. evrópskum tungumálaramma og enskukunnátta B2-C1

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.
Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veita Ólöf Guðbjörg Söebech deildarstjóri, [email protected] eða Þorvaldur Guðjónsson deildarstjóri ráðninga og starfsumhverfis, [email protected].
Umsóknarfrestur er til og með 11. mars 2026.