Geislafræðingur óskast á myndgreiningardeild Vestmannaeyjum

Heilbrigðisstofnun Suðurlands óskar eftir að ráða geislafræðing á myndgreiningardeild HSU í Vestmannaeyjum. Um er að ræða framtíðarstarf á framsæknum vinnustað.

Þjónustusvæðið HSU nær frá Þorlákshöfn í vestri til Hafnar í austri og veitir HSU heilsugæslu-, sjúkrahús- og öldrunarþjónustu ásamt því að annast sjúkraflutninga.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu.

Um er að ræða 75% starf, ásamt bakvöktum frá kl. 16:00 til 24:00 á virkum dögum og frá kl. 8:00 til 24:00 um helgar. Starfið felur í sér röntgenrannsóknir og tölvusneiðmyndarannsóknir.