Framkvæmdastjóri Landssambands veiðifélaga
LANDSSAMBAND VEIÐIFÉLAGA LEITAR AÐ FRAMKVÆMDASTJÓRA
Landssamband veiðifélaga leitar að metnaðarfullum og framsýnum einstaklingi í starf framkvæmdastjóra. Leitað er að öflugum einstaklingi í fullt starf þar sem reynir m.a. á samskiptahæfni og frumkvæði.
Um áhugavert starf er að ræða þar sem viðkomandi getur haft raunveruleg áhrif á framtíð íslenskra veiðimála og verndun ferskvatnsstofna. Verkefni eru fjölbreytt og krefjast samstarfs við hóp sérfræðinga, félaga og stofnana. Vinnuumhverfi er sveigjanlegt og möguleiki á að þróa starfið til framtíðar.
- Dagleg stjórnun og rekstur skrifstofu
- Hagsmunagæsla fyrir veiðifélög
- Samskipti við aðildarfélög, stjórnvöld, fjölmiðla og innlendar og erlendar stofnanir
- Mótun stefnu og framtíðarsýnar um stangveiði og fiskvernd
- Umsjón með skipulagi málefna- og kynningarstarfs
- Eftirfylgni með stefnu og ákvörðunum stjórnar og samþykktum aðalfunda
- Ábyrgð á fjármálum og rekstri
- Háskólamenntun sem nýtist í starfi – lögfræðimenntun er kostur
- Frumkvæði, sjálfstæði í vinnubrögðum og framúrskarandi samskiptahæfileikar
- Reynsla af hagsmunagæslu og opinberri stjórnsýslu er kostur
- Þekking og áhugi á stangveiði, náttúruvernd og umhverfismálum er mikill kostur
- Færni í að tjá sig í ræðu og riti
- Góð enskukunnátta
Landssamband veiðifélaga er landssamtök allra veiðifélaga á Íslandi og starfar á grundvelli 5. mgr. 4. gr. laga um lax- og silungsveiði, nr. 61/2006.
Landssamband veiðifélaga var stofnað árið 1958 og hlutverk þess er að gæta sameiginlegra hagsmuna veiðifélaga á Íslandi. Hlutverk þess er einnig að koma fram fyrir hönd þeirra gagnvart hinu opinbera, efla starfsemi veiðifélaga og auka samstarf þeirra, stuðla að bættri stjórn veiðimála og auka þekkingu á málefnum veiðifélaga.
Vinsamlegast sendið umsóknir á Jón Helga Björnsson, formann Landssambands veiðifélaga, á netfangið [email protected]. Hann veitir einnig allar nánari upplýsingar í tövupósti eða í síma 893-3778.
Íslenska
Enska
