Brynja, Hússjóður ÖBÍ er sjálfseignarstofnun sem hefur þann tilgang að kaupa og leigja íbúðir á hagkvæmu verði sem henta öryrkjum sem geta verið í sjálfstæðri búsetu og er þannig óhagnaðardrifið íbúðaleigufélag. Brynja á og rekur um 830 íbúðir um land allt þar sem áhersla er lögð á félagslega blöndun íbúðanna fyrir utan tvo íbúðaklasa sem eru í Hátúni 10 og á Sléttuvegi 7 og 9 í Reykjavík. Hjá félaginu starfa alls 15 starfsmenn og er velta félagsins um 1400 mkr. og árlega fjárfestingargeta til kaupa á nýjum íbúðum er um 2 milljarðar króna.