Fjölbreytt verkefni á sviði löginnheimtu
Við leitum að skipulögðum, nákvæmum og drífandi liðsfélaga til að sinna fjölbreyttum verkefnum á sviði löginnheimtu s.s. lögfræðilegri skjalagerð og eftirfylgni mála á öllum stigum innheimtunnar. Viðkomandi þarf að hafa ríka þjónustulund og metnað og áhuga á að vinna í teymi. Þá þarf viðkomandi að vera virkur þátttakandi í að móta innheimtu og þjónustu til framtíðar.
Starfið getur hentað nýútskrifuðum lögfræðingum sem vilja öðlast hagnýta reynslu í lögfræðilegri skjalagerð og málsmeðferð. Þekking eða reynsla af innheimtu, starfssemi lífeyrissjóða eða starfssemi fjármálafyrirtækja er mikill kostur.
Við bjóðum fallegan vinnustað þar sem liðsheild, góður andi og metnaður ræður ríkjum. Mikið er lagt upp úr skemmtilegu og lifandi vinnuumhverfi.
Helstu verkefni felast í skráningu mála, stefnugerð, lögfræðilegri skjalagerð á ýmsum stigum innheimtunnar auk undirbúnings mála vegna framlagningu þeirra hjá dómstólum og sýslumönnum. Þá felst í starfinu að sinna fjölbreyttum fyrirspurnum frá viðskiptavinum, lögmönnum, greiðendum og opinberum aðilum sem og að fylgja eftir úrlausnum ýmissa mála. Í starfinu reynir á nákvæmni, skipulögð vinnubrögð, frumkvæði og sjálfstæði.
- Góð hæfni í samskiptum og teymisvinnu
- Frumkvæði, drifkraftur og jákvætt viðmót
- Góð íslenskukunnátta er skilyrði, bæði í ræðu og riti
- Nákvæm og öguð vinnubrögð
- Hæfni og vilji til að takast á við breytingar
- Menntun á sviði lögfræði (BA eða ML) getur hentað en er ekki skilyrði
- Íþróttastyrkur
- Niðurgreiddur hádegismatur
- Ávextir, gos og annað góðgæti
- Öflugt starfsmannafélag
Um Motus:
Motus og Lögheimtan eru leiðandi fyrirtæki á sviði kröfuþjónustu og innheimtu. Hjá okkur starfar fjölbreyttur hópur fólks sem leggur sig fram um að starfa af heilindum og fagmennsku. Jafnrétti, jákvæð samskipti og gagnkvæm virðing eru grundvöllur starfseminnar. Við gætum fyllsta trúnaðar við vinnslu starfsumsókna og persónuupplýsinga.
Íslenska
Enska
