Laus störf Hæfnileit Vinnustaðir Námskeið

FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

Vinnustaðurinn

Financial controller - Sérfræðingur í fjármálum

Framkvæmdasýslan-Ríkiseignir (FSRE) leitar að metnaðarfullum og gagnadrifnum einstaklingi með umfangsmikla þekkingu á uppgjörum í starf leiðandi sérfræðings á sviði fjármála og eignastýringar.

FSRE rekur eitt af stærstu fasteignafélögum landsins auk þess að bera ábyrgð á og stýra uppbyggingu innviða og aðstöðu fyrir ríkisaðila. Fjárhagslegt umfang nemur um 30 milljörðum á ári og skiptist í þrjár einingar; bókhalds- og uppgjörsþjónusta framkvæmdaverkefna, innheimta leigu og rekstur eigna auk reksturs FSRE.

Um er að ræða leiðandi hlutverk í krefjandi umhverfi sem krefst mikilla samskipta við starfsfólk, viðskiptavini og birgja. Í því felst tækifæri til að þróa áfram umbótaverkefni og sjálfvirknivæðingu ferla.

Helstu verkefni og ábyrgð

Undirbúningur og framkvæmd innra eftirlits
Skýrslugerð fyrir innri og ytri hagsmunaaðila
Undirbúningur fjárhagsuppgjöra í samvinnu með fjármálastjóra

Menntunar- og hæfniskröfur

Háskólamenntun á sviði fjármála, reikningshalds eða skyldum greinum. Framhaldsmenntun er kostur.
Reynsla af uppgjörsvinnu og fjármálastjórnun er skilyrði.
Þekking á lögum um opinber fjármál, innra eftirliti og reikningsskilastöðlum.
Hæfni í greiningu fjárhagsupplýsinga og framsetningu gagna.
Frumkvæði, metnaður, skipulagshæfni og öguð vinnubrögð.
Ríkir samskiptahæfileikar, jákvætt og lausnamiðað viðhorf.
Mjög góð tölvufærni, reynsla í skýrslugerð í PowerBi er mikill kostur.

Góð færni í íslensku og ensku, bæði í rituðu og töluðu máli.

Frekari upplýsingar um starfið

Um er að ræða fullt starf sem heyrir beint undir fjármálastjóra.

Umsókn óskast fyllt út á Starfatorgi. Öllum umsóknum þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Æskilegt er að viðkomandi geti hafið störf sem fyrst. Öllum umsóknum verður svarað að ráðningu lokinni.

Áhugasamir einstaklingar, óháð kyni, eru hvattir til að sækja um. Umsóknir geta gilt í sex mánuði frá birtingu auglýsingar, sbr. reglur nr. 1000/2019, um auglýsingar lausra starfa.

Nánari upplýsingar veita Stefanía Nindel, framkvæmdastjóri fjármála og eignastýringar ([email protected]) og Hermann Hermannsson, mannauðsstjóri ([email protected]).

Um FSRE

Hjá FSRE starfa rúmlega 70 sérfræðingar með breiða þekkingu á sviði fasteignaþróunar, framkvæmda og rekstrar. Við erum spennandi vinnustaður á fleygiferð inn í framtíðina, bjóðum upp á verkefnamiðað vinnuumhverfi og sveigjanlegan vinnutíma. Við leggjum áherslu á að styðja starfsfólk okkar í þekkingaröflun, m.a. í gegnum alþjóðlegt tengslanet. Við brennum fyrir jafnrétti, frábærri vinnustaðamenningu og fjölskylduvænum vinnustað.

FSRE er sjálfstæð stofnun sem ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Hlutverk FSRE er að stuðla að hagkvæmri, vistvænni og ábyrgri meðferð eigna í þágu opinberrar starfsemi og samfélagsins í heild.

Ríkiseignir er stofnun í umsjón FSRE. Stofnunin annast daglegan rekstur, viðhald og þjónustu við fasteignir ríkisins og tryggja að húsnæði ríkisaðila sé í samræmi við þarfir og kröfur. Fasteignasafnið í umsjón Ríkiseigna er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti.

Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt.

Auglýsing birt19. desember 2025

UmsóknarfresturEnginn

Tungumálahæfni