Forstöðumaður Reikningshalds á fjármálasvið Festi

Festi hf. auglýsir eftir forstöðumanni Reikningshalds til starfa. Leitað er að framúrskarandi einstaklingi með metnað, drifkraft og sjálfstæði í vinnubrögðum sem hefur víðtæka reynslu af reikningshaldi, uppgjörsvinnu, áætlunargerð, skattskilum og stjórnun. Starf forstöðumanns Reikningshalds heyrir undir fjármálasvið Festi.

Festi er eignarhaldsfélag leiðandi fyrirtækja sem gegna mikilvægu hlutverki í íslensku samfélagi. Starfsemi móðurfélagsins snýr að fjárfestingum og stoðþjónustu við dótturfélögin, ELKO, Krónuna, N1, Lyfju, Yrki fasteignir og Bakkann vöruhótel. Hlutabréf Festi hf. eru skráð í Kauphöll Íslands og velta félagsins árið 2024 var 157 milljarðar. Starfsfólk Festi og rekstrarfélaga eru samtals um 2.800 á starfsstöðvum um allt land.

Festi leggur áherslu á að skapa spennandi og líflegt starfsumhverfi þar sem hæfileikar einstaklingsins fá að njóta sín.

Helstu verkefni:

• Ábyrgð á daglegum rekstri og stjórnun deildarinnar
• Utanumhald og yfirsýn verkefna innan reikningshalds
• Ábyrgð á þjónustu til viðskiptavina deildarinnar, gæðum og tímanleika verkefna sem starfsmenn hafa með höndum.
• Sér til þess að þjónusta til viðskiptavina deildarinnar sé í takti við þjónustustefnu fjármálasviðs
• Umsjón með breytingum á þjónustu og þjónustustigi frá einum tíma til annars í samráði við framkvæmdastjóra
• Markmiðasetning og stefnumótun deildarinnar í samráði við framkvæmdastjóra
• Stjórnun og þjálfun starfsfólks
• Önnur tilfallandi verkefni

Menntunar og hæfniskröfur:

• Meistarapróf í viðskipta/hagfræði eða sambærileg menntun
• Að lágmarki 5 ára starfsreynsla við stjórnun í reikningshaldi
• Góð þekking og reynsla á Business Central eða sambærilegum fjárhagskerfum
• Reynsla af störfum á endurskoðunarskrifstofum í verkefnum meðalstórra og stórra fyrirtækja
• Reynsla af samstæðureikningsskilum og skattskilum stórra fyrirtækja
• Reynsla af verkefnastjórnun og ferlagreiningum
• Góð hæfni í mannlegum samskiptum og jákvætt viðmót
• Frumkvæði, kraftur og góð þjónustulund
• Yfirsýn og geta til að vinna undir álagi

Nánari upplýsingar veitir Magnús Kr. Ingason, framkvæmdastjóri fjármála- og rekstrarsviðs, [email protected].

Farið er með allar umsóknir sem trúnaðarmál.