Fagstjóri sálfélagslegrar meðferðar hjá SÁÁ

SÁÁ óskar eftir öflugum og metnaðarfullum fagstjóra til að leiða starfsemi á sviði sálfélagslegrar meðferðar.

Um er að ræða fjölbreytt stjórnunarstarf þar sem reynir á leiðtogahæfni, skipulag og góða færni í mannlegum samskiptum. Fagstjóri gegnir lykilhlutverki í daglegum rekstri starfseiningar, leiðir starfsfólk og vinnur náið með framkvæmdastjóra sálfélagslegrar meðferðar og öðrum stjórnendum að áframhaldandi þróun þjónustu SÁÁ.

SÁÁ er leiðandi í heilbrigðisþjónustu við fólk með fíknsjúkdóm og fjölskyldur þeirra og býður heildstæða meðferð yfir lengri tíma. Þjónustan er veitt af öflugu þverfaglegu teymi fagfólks með sérþekkingu á fíknsjúkdómi og byggir á gagnreyndum og áfallamiðuðum starfsháttum.

SÁÁ býður upp á

• Fjölbreytt og ábyrgðarmikið stjórnunarstarf í öflugu faglegu umhverfi
• Tækifæri til að taka virkan þátt í áframhaldandi uppbyggingu og þróun starfseminnar
• Náið samstarf við stjórnendur og fjölbreyttan hóp heilbrigðisstarfsfólks
• Þverfaglegt starfsumhverfi þar sem áhersla er lögð á fagmennsku, samvinnu og stöðugar umbætur
• Fræðslu, starfsþróun og tækifæri til að efla þekkingu og færni á sviði fíknimeðferðar og stjórnunar