Laus störf Hæfnileit Vinnustaðir Námskeið

Skrifstofa starfsstöðva og þróunar

Skrifstofa starfsstöðva og þróunar sér um og ber ábyrgð á rekstri starfsstöðva sem þjónusta fatlað fólk og eldra fólk auk þess að styrkja og styðja forstöðumenn starfsstöðva í störfum sínum. Skrifstofa stafstöðva og þróunar ber einnig ábyrgð á innra eftirliti með starfsemi starfsstöðvanna, framkvæmd nauðsynlegra breytinga í þjónustunni og þróun nýrra úrræða. Skrifstofan er tengiliður velferðarsviðs við: - Jöfnunarsjóð sveitarfélaga vegna framlaga í málaflokki fatlaðs fólks. - Sjúkratryggingar Íslands vegna samninga um hjúkrunarrými og dagdvalir. - Þau ráðuneyti sem málaflokkar fatlaðs fólks og eldra fólks falla undir hverju sinni. Þjónustan sem veitt er gegnum skrifstofu starfsstöðva og þróunar miðast við einstaklingsbundnar þarfir og aðstæður viðkomandi sem geta verið margskonar: - Heimili, íbúðakjarnar og stuðningur á eigin heimili fyrir fatlað fólk í samræmi við þarfir þess og óskir. - Hæfing, starfsþjálfun,vernduð vinna og samfélagshús sem öllum er ætlað að veita þjálfun og stuðning sem miðar að því að auka hæfni þess til starfa og þátttöku í daglegu lífi eða á almennum vinnumarkaði. - Hjúkrunarsambýli og dagdeild fyrir eldra fólk með heilabilun. - Félagsstarf eldra fólks sem býður upp á fjölbreytta, skipulagða dagskrá yfir vetrarmánuðina í þremur félagsmiðstöðum bæjarins.

Vinnustaðurinn

Forstöðumaður stuðnings- og stoðþjónustu fyrir fullorðið fatlað fólk

Skrifstofa starfsstöðva og þróunar á velferðarsviði Kópavogsbæjar auglýsir laust til umsóknar starf forstöðumanns stuðnings- og stoðþjónustu fyrir fullorðið fatlað fólk.

Starfið felur í sér daglega stjórnun, skipulag og eftirfylgd sértækrar stoðþjónustu við fatlað fólk í samræmi við mat á stuðningsþörf, þjónustuáætlanir, ákvarðanir sveitarfélagsins og markmið þjónustunnar hverju sinni. Í starfinu felst fagleg umgjörð þjónustunnar, mannauðstengd verkefni, samskipti við notendur og aðstandendur í samráði við notendur, samstarf við aðrar þjónustueiningar og samþætting þjónustu þegar við á.

Um er að ræða nýtt og spennandi starf í mótun. Við leitum að metnaðarfullum einstaklingi með reynslu af því að stýra eða skipuleggja stoð- og stuðningsþjónustu til að taka þátt í móta starfsemina og leiða breytingar.

Helstu verkefni og ábyrgð

Stuðlar að sjálfstæðu lífi, virkri samfélagsþátttöku, sjálfræði og lífsgæðum notenda í samræmi við réttindamiðaða þjónustu og samning Sameinuðu þjóðanna um réttindi fatlaðs fólks.
Hefur umsjón með gerð, framkvæmd og endurskoðun þjónustuáætlana, eftir því sem við á, og tryggir markvissa eftirfylgd og skráningu.
Skipuleggur, samhæfir og metur þjónustu í samvinnu við notendur, aðstandendur eftir atvikum, ráðgjafa, heimahjúkrun og aðra samstarfsaðila.
Skipuleggur vinnutíma, viðveru og vaktafyrirkomulag starfsfólks, eftir því sem við á, og tryggir að mönnun taki mið af þörfum þjónustunnar og fjárheimildum.
Heldur reglulega starfsmannafundi, þjónustufundi og aðra samráðsfundi og tryggir að upplýsingagjöf, skráning og eftirfylgd sé skýr.
Vinnur að gæðamálum, öryggi, áhættumati, umbótum og samræmdu verklagi í þjónustunni.
Sinnir öðrum verkefnum sem yfirmaður felur forstöðumanni og samræmast hlutverki starfsins.

Menntunar- og hæfniskröfur

Háskólamenntun á grunnstigi sem nýtist í starfi, svo sem á sviði félagsráðgjafar, þroskaþjálfunar, sálfræði eða sambærileg menntun.
Háskólamenntun á meistarastigi sem nýtist í starfi eða mikil starfs- og stjórnunarreynsla á viðkomandi sérfræðisviði.
Reynsla af stjórnun, skipulagningu og framkvæmd þjónustu við fatlað fólk.
Þekking á lögum, reglum og verklagi sem gilda um þjónustu við fatlað fólk, félagsþjónustu sveitarfélaga, stjórnsýslu, persónuvernd og vinnuvernd.
Hæfni til að leiða teymi, skipuleggja þjónustu, forgangsraða verkefnum, leysa úr flóknum málum og vinna með ólíkum samstarfsaðilum.
Góð færni í samskiptum, skráningu, upplýsingamiðlun og notkun stafrænna kerfa í opinberri stjórnsýslu.
Fagleg dómgreind, frumkvæði, ábyrgðarkennd og skýr sýn á réttindamiðaða og einstaklingsmiðaða þjónustu.
Góð íslensku- og enskukunnátta og færni til að tjá sig í ræðu og riti.

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Allir einstaklingar sem ráðnir eru til starfa á velferðarsviði Kópavogsbæjar þurfa að gefa heimild til upplýsingaöflunar úr sakaskrá.

Tekið verður mið af jafnréttisstefnu Kópavogsbæjar við ráðningu í starfið.

Umsóknarfrestur er til og með 27. september 2026.

Nánari upplýsingar veitir Jón Kristján Rögnvaldsson, skrifstofustjóri skrifstofu starfsstöðva og þróunar í netfanginu [email protected]

Tekið er við umsóknum í gegnum ráðningavef Alfreðs.

Auglýsing birt10. september 2026

Umsóknarfrestur27. september 2026

Tungumálahæfni