Laus störf Hæfnileit Vinnustaðir Námskeið

Heilbrigðisstofnun Vestfjarða

Á Heilbrigðisstofnun Vestfjarða starfa um 250 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins.

Vinnustaðurinn

Félagsráðgjafi á Heilbrigðisstofnun Vestfjarða

Starfið tilheyrir geðheilsuteymi barna en nær einnig til verkefna þvert á stofnunina í samstarfi við fagfólk, deildir og aðra þjónustuaðila.

Starfið felur í sér lágþröskuldaþjónustu, félagsráðgjöf, stuðning við einstaklinga og fjölskyldur, fjölskylduvinnu, ráðgjöf um réttindi og úrræði, auk þátttöku í þverfaglegri teymisvinnu.

Áhersla er lögð á snemmtæka íhlutun, aðgengi að þjónustu og stuðning við einstaklinga og fjölskyldur.

Um er að ræða 30% til 50% starf eftir samkomulagi

Helstu verkefni og ábyrgð

Starfið felur í sér félagsráðgjöf, stuðningsviðtöl og lágþröskuldaþjónustu við einstaklinga og fjölskyldur vegna félagslegra, fjölskyldutengdra og sálfélagslegra áskorana. Viðkomandi styður skjólstæðinga við að takast á við breytingar, álag og erfiðar lífsaðstæður, veitir ráðgjöf um réttindi og þjónustuúrræði og aðstoðar við að tengja fólk við viðeigandi stuðning innan heilbrigðis-, félags- og menntakerfis.

Sérstök áhersla er á stuðning við foreldra og fjölskyldur, fjölskylduvinnu, samstarf við mæðra- og ungbarnavernd og að efla verndandi þætti í nærumhverfi barna. Starfið er unnið í nánu þverfaglegu samstarfi við lækna, hjúkrunarfræðinga, ljósmæður, sálfræðinga og annað fagfólk, auk samráðs við sveitarfélög og aðrar stofnanir eftir þörfum.

Menntunar- og hæfniskröfur

Starfsleyfi sem félagsráðgjafi frá embætti landlæknis.
Reynsla af félagsráðgjöf, stuðningsviðtölum og ráðgjöf við einstaklinga og fjölskyldur.
Þekking á íslensku velferðar-, heilbrigðis- og félagsþjónustukerfi.
Reynsla af fjölskylduvinnu, foreldraráðgjöf eða starfi með börnum og fjölskyldum er kostur.
Reynsla af þverfaglegu samstarfi er kostur.
Góð samskiptahæfni, virk hlustun og lausnamiðuð nálgun.
Sjálfstæði, frumkvæði og skipulögð vinnubrögð.
Hæfni til að vinna með viðkvæm og flókin mál af fagmennsku.
Góð íslenskukunnátta í ræðu og riti.

Fríðindi í starfi

Boðið er upp á góða aðlögun í upphafi starfs og aðstoð við öflun húsnæðis.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst eða eftir nánara samkomulagi.

Með umsókn skal fylgja ferilskrá og fylgibréf þar sem gert er grein fyrir hæfni og áhuga á starfinu og staðfestar upplýsingar um menntun. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Á Heilbrigðisstofnun Vestfjarða starfa um 280 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.

Starfshlutfall er 30-50%

Umsóknarfrestur er til og með 18.09.2026

Nánari upplýsingar veitir

Helena Hrund Jónsdóttir - [email protected] -

Auglýsing birt4. september 2026

Umsóknarfrestur18. september 2026

Tungumálahæfni