Ertu sérfræðingur í stafrænni markaðssetningu?

BIOEFFECT leitar að reynslumiklum sérfræðingi í stafrænni markaðssetningu til að starfa í vefdeild markaðssviðs félagsins.

BIOEFFECT rekur fjórar vefsíður (Ísland, UK, USA og EU) og styður jafnframt við vefsölu söluaðila um allan heim. Markaðssetning á netinu er mjög stór þáttur í starfsemi BIOEFFECT, og því er starfið krefjandi, fjölbreytt og skemmtilegt. Starfsumhverfið er alþjóðlegt, og við leggjum áherslu á að búa til öflugar auglýsingar sem ná til rétta markhópsins, auka heimsóknir á vefsíður okkar og stuðla að auknum söluárangri. Við vinnum eftir skýrum markmiðum, greinum árangur og nýtum niðurstöður til að bæta og þróa aðferðir okkar. Teymið er lítið en sterkt og byggir á náinni samvinnu milli sölu- og markaðssviðs.

BIOEFFECT eru margverðlaunaðar íslenskar húðvörur sem byggja á íslensku hugviti, vísindum og virkni. Sérstaða vörulínunnar er virka innihaldsefnið, BIOEFFECT EGF, sem framleitt er með aðferðum plöntu-líftækni í gróðurhúsi ORF Líftækni á Íslandi. Vörurnar eru framleiddar á Íslandi og því gegnir íslenska vatnið einnig lykilhlutverki í hreinleika varanna. BIOEFFECT húðvörurnar eru seldar um allan heim, í 21 landi og hafa hlotið fjölda alþjóðlegra viðurkenninga fyrir gæði og virkni. Alls starfa um 55 starfsmenn hjá félaginu, flestir á Íslandi en BIOEFFECT er einnig með starfsstöðvar í London og New York.