Deildarstjóri viðskiptaþróunar Coripharma

Við leitum að öflugum stjórnanda til að leiða alþjóðlegt teymi hjá Coripharma sem sér um viðskipaþróun fyrirtækisins. Viðskiptaþróun tilheyrir sölueiningu Coripharma og hefur yfirumsjón með sölu á lyfjum og lyfjahugviti á alþjóðlegum vettvangi. Starfsstöðin er á Íslandi.

Ert þú drífandi, lausnamiðaður og jákvæður einstaklingur með framúrskarandi samskiptahæfileika? Þá er þetta rétta starfið fyrir þig.

Deildarstjóri viðskiptaþróunar sér um að stýra teyminu sem og tekur þátt í daglegum verkefnum.

Helstu verkefni og ábyrgð

• Sala á lyfjum og lyfjahugviti til annarra lyfjafyrirtækja á alþjóðlegum vettvangi
• Greining á viðskiptatækifærum, ábyrgð á verð- og markaðsstefnu sem og tilboðsgerð til viðskiptavina
• Yfirumsjón með samningaviðræðum og viðeigandi eftirfylgni á undirrituðum samningum
• Efla núverandi viðskiptasambönd sem og byggja upp ný tengsl
• Þverfaglegt samstarf við aðrar deildir fyrirtækisins til að ná fram settum markmiðum
• Stefnumótun deildarinnar sem og dagleg stjórnun
• Áætlanagerð og rekstarstýring innan deildarinnar
• Þróun og efling teymisins

Menntunar- og hæfniskröfur

• Háskólagráða í lyfjafræði, viðskiptafræði, lífvísindum eða skyldum greinum
• Reynsla og þekking af sölu lyfja og lyfjahugvits á alþjóðlegum vettvangi, ásamt öflugu tengslaneti innan lyfjageirans
• Yfirgripsmikil reynsla af m.a. samningaviðræðum, verð- og markaðsstefnum og lyfjaskráningum
• Leiðtogahæfni og reynsla af stjórnunarstörfum
• Framúrskarandi samskiptahæfni og þjónustulund
• Mjög góð færni í íslensku og ensku

Fríðindi

• Sveigjanlegur vinnutími
• Mötuneyti

Coripharma er íslenskt nýsköpunarfyrirtæki í örum vexti sem sérhæfir sig í þróun, framleiðslu og útflutningi samheitalyfja. Hjá Coripharma starfar fjölbreyttur hópur einstaklinga með ólíka menntun og bakgrunn. Í dag starfa um 220 einstaklingar hjá fyrirtækinu.

Frá því félagið hóf starfsemi árið 2018 hefur það hafið framleiðslu á 26 lyfjum og er með 21 ný lyf í þróun. Nánari Upplýsingar um Coripharma má finna á www.coripharma.is

Umsóknarfrestur er til og með 31. október 2025.