Verslunarstjóri Drangey

Drangey opnar á næstunni einstaka verslun á neðri hluta Laugavegar, þar sem boðið verður upp á töskur og fylgihluti fyrir ferðamenn og landsmenn ásamt ýmsum öðrum leðurvörum. Við leitum að verslunarstjóra sem vill taka þátt í að móta hlýlegan stað þar sem notalegt er að vera og taka á móti fólki.

Um er að ræða fullt starf verslunarstjóra í lítilli verslun þar sem þú berð ábyrgð á rekstri, starfsmannahaldi, þjónustu við viðskiptavini og raunar öllu því sem að rekstrinum snýr. Þú þarft að að vera glaðvær, framtakssöm og úrræðagóð, og hafa gaman af því að spjalla við fólk, og þá ekki síst ferðamenn.

Umsóknir sendist í síðasta lagi mánudaginn 20. okt. Unnið verður úr umsóknum jafnóðum. Viðkomandi þarf að geta hafið störf sem fyrst.