Deildarstjóri unglingastigs í Álfhólsskóla
Álfhólsskóli óskar eftir að ráða deildarstjóra unglingastigs fyrir skólaárið 2024-2025.
Í Álfhólsskóla eru um 600 nemendur í 1.-10. bekk og um 130 starfsmenn. Skólinn byggir á langri sögu um framsækið og árangursríkt skólastarf. Starfið einkennist af fjölbreyttum kennsluháttum, áherslu á læsi, teymiskennslu og leiðsagnarnám. Allir nemendur skólans eru með spjaldtölvur. Álfhólsskóli er fjölmenningarlegur skóli sem leggur áherslu á inngildingu allra nemenda. Í skólanum eru starfrækt námsver fyrir nemendur með einhverfu. Álfhólsskóli er í innleiðingarferli sem réttindaskóli Unicef. Skólinn hefur mótað eigin skólamenningaráætlun ,,Öll sem eitt". Skólinn er jafnframt Grænfánaskóli og Heilsueflandi skóli.
Einkunnarorð skólans eru : menntun - sjálfstæði - ánægja.
- Faglegur leiðtogi innan skóla í að stuðla að framþróun og nýbreytni í kennsluháttum og kennsluaðferðum s.s. samþættingu námsgreina, þemavinnu, námsmats og nýtingu upplýsingatækni í skólastarfi.
- Fylgist með nýjungum á sviði kennslu og er leiðandi í faglegri umræðu.
- Stýrir daglegu starfi á unglingastigi skólans ásamt starfsmannahaldi þar eins og við á.
- Vinnur að þróun skólastarfs í samstarfi við stjórnendur og samstarfsfólk.
- Kennaramenntun og réttindi til kennslu
- Viðbótarmenntun nem nýtist í starfi æskileg
- Reynsla af stjórnun æskileg
- Þekking og reynsla á teymiskennslu, leiðsagnarmati og samþættingu námsgreina æskileg
- Þekking og áhugi á kennslu- og uppeldisfræði
- Þolinmæði og hæfni í mannlegum samskiptum
- Stundvísi og áreiðanleiki
- Mjög góð þekking á Mentor, upplýsingatækni og notkun rafrænna miðla í kennslu og starfi
Starfsfólk Kópavogsbæjar fær frían aðgang að sundlaugum bæjarins.
