Námsbrautarstjóri

Isaviaskólinn óskar eftir að ráða kraftmikinn og metnaðarfullan einstakling í starf námsbrautarstjóra flugvallarbrautar. Viðkomandi mun sjá um skipulag og framkvæmd þjálfunar í flugvallarþjónustu á öllum flugvöllum Isavia. Við leitum því að einstaklingi sem býr yfir mikilli skipulagshæfni, hefur góða þekkingu á gerð námsefnis og mikið frumkvæði.

Eins og fyrr segir mun viðkomandi starfa í öflugu teymi sérfræðinga í Isaviaskólanum sem er þekkingarmiðstöð Isavia og hefur það hlutverk að byggja upp og viðhalda þekkingu og hæfni starfsfólks.

Helstu verkefni:

• Heildarskipulag og framkvæmd þjálfunar í flugvallarþjónustu og farþegaakstri

• Gerð þjálfunaráætlunar, námsskrár, kennsluáætlana og hæfnimats

• Gerð námsefnis, þ.m.t. stafræns námsefnis

• Ber ábyrgð á og hefur umsjón með skráningu þjálfunar

• Eftirlit og stuðningur við framkvæmd þjálfunar á flugvöllum félagsins

• Áætlanagerð og mat á gæðum þjálfunar

Menntunar- og hæfniskröfur:

• Háskólamenntun sem nýtist í starfi er skilyrði

• Mjög góð tölvukunnátta og tækniþekking

• Reynsla og þekking á skipulagningu fræðslu og þjálfunar

• Hæfni í námsefnisgerð, þ.m.t. stafræns námsefnis

• Mjög góð íslensku- og enskukunnátta í ræðu og riti

• Frumkvæði, sjálfstæð vinnubrögð og jákvæðni

Starfsstöð er á Keflavíkurflugvelli.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.