Egilsstaðaskóli

Í Egilsstaðaskóla eru um 400 nemendur og um 100 starfsmenn. Grunngildi skólans eru gleði, virðing og metnaður. Áhersluþættir í faglegu starfi eru einstaklingsmiðað nám, teymiskennsla og þverfaglegt samstarf.

Vinnustaðurinn

Deildarstjóri stoðþjónustu

Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum? Má bjóða þér að taka þátt í metnaðarfullu skólastarfi í Egilsstaðaskóla og þróa það með okkur?

Deildarstjóri stoðþjónustu annast skipulagningu sérkennslu og stoðþjónustu í samráði við stjórnendateymi skólans og er næstu yfirmaður sérkennara, iðju- og þroskaþjálfa og stuðningsfulltrúa. Næsti yfirmaður er skólastjóri Egilsstaðaskóla.

Um er að ræða 100% starf og ráðið verður í stöðuna frá 1. ágúst 2025.

Helstu verkefni og ábyrgð

Er ábyrgur fyrir skipulagningu sérkennslu og stoðþjónustu skólans.
Skipuleggur og hefur umsjón með námsaðstoð, stuðnings- og sérkennslu.
Annast úrvinnslu og túlkun greiningargagna og beiðna um aukna námsaðstoð og þjónustu við nemendur.
Ber ábyrgð á gerð einstaklingsnámskráa í samvinnu við kennara, þroska- og iðjuþjálfa.
Aðstoða kennara við gerð einstaklingsmarkmiða í námi.
Vinnur með stjórnendateymi skólans við að skipuleggja störf sérkennara, stuðningsfulltrúa og þroska- og iðjuþjálfa.
Er tengiliður við umsjónarkennara og foreldra nemenda sem njóta sérstaks námsstuðnings.
Annast áætlana- og skýrslugerð vegna sér- og stuðningskennslu.
Situr og stýrir nemendaverndarráðsfundum og lausnarteymisfundum.
Heldur utan um, skipuleggur og tekur þátt í að leggja fyrir skimanir í samstarfi við Skólaþjónustu Múlaþings.

Menntunar- og hæfniskröfur

Leyfisbréf grunnskólakennara er skilyrði.
Framhaldsmenntun sem nýtist í starfi.
Reynsla af sérkennslu æskileg og reynsla af sambærilegu starfi kostur.
Mjög góð íslenskukunnátta er skilyrði.
Mikil hæfni í mannlegum samskiptum, þolinmæði og umburðarlyndi.
Frumkvæði, sjálfstæði og faglegur metnaður.
Áhugi á starfsþróun og nýjum, fjölbreyttum áherslum í skólastarfi.
Hugmyndaauðgi, jákvæðni og sveigjanleiki.

Launakjör eru samkvæmt kjarasamningum Sambands íslenskra sveitarfélaga og Kennarasambands íslands.

Einstaklingar af öllum kynjum eru hvattir til að sækja um stöðuna. Þeir sem ráðnir eru til starfa hjá Egilsstaðaskóla þurfa að veita heimild til að leitað sé upplýsinga úr sakaskrá hjá Ríkissaksóknara.

Nánari upplýsingar veita Viðar Jónsson, skólastjóri, í síma 4700 607 eða á netfanginu [email protected] og Dagbjört Kristinsdóttir, aðstoðarskólastjóri, í síma 4700 608 eða á netfanginu [email protected].

Öllum umsóknum skal fylgja yfirlit yfir nám og/eða fyrri störf og kynningarbréf.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt24. mars 2025

Umsóknarfrestur7. apríl 2025

Tungumálahæfni