Deildarstjóri eldri deildar
Deildarstjóri eldri deildar Óskað er eftir deildarstjóra eldri deildar í 100% starfshlutfall með 50% stjórnunarumfangi til að byrja með. Ráðið verður í stöðuna frá og með 1. ágúst 2025. Leitað er að áhugasömum og metnaðarfullum einstaklingi sem er fær um að taka að sér stjórnunarlega ábyrgð, þátttöku í stjórnunarteymi og að vera faglegur leiðtogi. Deildarstjóri eldri deildar mun sinna deildarstjórn í 6.-8. árgangi næsta skólaár en þegar fram í sækir í 6. - 10. árgangi. Næsta skólaár mun deildarstjóri raðast skv. kjarasamningi sem deildarstjóri 3 með 50% kennsluskyldu.
Haustið 2025 hefst kennsla í 8. bekk skólans. Deildarstjóri eldri deildar mun leiða vinnu við að byggja upp unglingastigið í samstarfi við kennara og aðra stjórnendur. Mikilvægt er að hafa áhuga á skólaþróun.
Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.
- Tekur þátt í skipulagi innra starfs skólans með öðrum stjórnendum
- Framfylgir skólanámskrá, samræmingu námsefnis og námsmats í samráði við kennara
- Annast daglega stjórnun sinnar deildar og er faglegur ráðgjafi
- Undirbýr deildarfundi sinnar deildar, stjórnar þeim og heldur fundargerðir
- Ber ábyrgð á að tryggja öryggi og velferð nemenda
- Önnur verkefni sem yfirmaður felur
- Grunnskólakennararéttindi áskilin
- Framhaldsmenntun í stjórnun eða uppeldis- og kennslufræði æskileg
- Reynsla í stjórnun æskileg
- Forystu- og stjórnunarhæfileikar
- Mikil hæfni í mannlegum samskiptum
- Frumkvæði og skipulögð vinnubrögð
- Áhugi á skólaþróun
- Hæfni til að tjá sig í ræðu og riti á íslensku
Íslenska
