Félagsvísindasvið Háskóla Íslands

Deildarstjóri Stjórnmálafræðideildar

Laust er til umsóknar fullt starf deildarstjóra Stjórnmálafræðideildar við Félagsvísindasvið Háskóla Íslands. Stjórnmálafræðideild heldur úti öflugu grunn- og framhaldsnámi í stjórnmálafræði, blaðamennsku, kynjafræði, opinberri stjórnsýslu og alþjóðasamskiptum. Við deildina eru skráðir um 700 nemendur.

Helstu verkefni og ábyrgð

Umsjón og eftirfylgni með fjármálum og daglegum rekstri deildar
Fjárhagsáætlanagerð og eftirfylgni hennar í samvinnu við deildarforseta
Umsjón, skipulag og stefnumótun starfsnáms innan deildar, s.s. samskipti við opinberar stofnanir
Utanumhald funda og viðburða á vegum deildar og eftirfylgni með ákvörðunum
Aðstoð við deildarforseta í daglegum störfum og við framkvæmd stefnu deildar
Heldur, ásamt deildarforseta, utan um samstarf deildar við innlenda og erlenda samstarfsaðila, þar með talin nemendafélög
Teymisvinna innan Félagsvísindasviðs m.a. í mannauðsmálum, fjármálum og markaðs- og kynningarmálum

Menntunar- og hæfniskröfur

Háskólapróf sem nýtist í starfi
Gott læsi á fjármál og rekstur
Þekking á opinberri stjórnsýslu er kostur
Góð tölvufærni
Góð íslensku- og enskukunnátta, bæði í ræðu og riti
Góð færni í mannlegum samskiptum og rík þjónustulund
Frumkvæði, nákvæmni, metnaður og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Umsækjendur skulu láta eftirfarandi gögn fylgja umsókn sinni:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Starfshlutfall er 100%

Umsóknarfrestur er til og með 29.09.2025

Nánari upplýsingar veitir

Sigríður Björk Gunnarsdóttir - [email protected] -

Auglýsing birt24. september 2025

Umsóknarfrestur29. september 2025

Tungumálahæfni