Afgreiðslustarf í Miðdal

Verksvið eða meginverkefni starfs

Vörusala fyrir sundlaug og bókasafn.
Þjónusta við viðskiptavini sundlaugar og bókasafns (inn- og útlán, sala og endurnýjun sund- og bókasafnskorta, sektir, frátektir, endurnýjun útlána, upplýsingaveita).
Umsjón með útleigu sala vegna viðburða.
Almenn þrif í sameiginlegum rýmum sundlaugar og bókasafns.
Hefur eftirlit með sameiginlegum rýmum sundlaugar og bókasafns og kemur ábendingum áleiðis eftir því sem við á ásamt því að lagfæra og þrífa eftir því sem við verður komið.
Hefur eftirlit með afgreiðslu- og kortakerfi ásamt skiptimynt og uppgjöri.
Sér um innkaup í samráði við forstöðufólk.
Sér um móttöku á vörum og frágangi eða förgun á sorpi.
Annast önnur þau störf sem starfsfólki kunna að vera falin af forstöðufólki og falla innan eðlilegs stafsviðs.

Ábyrgð í starfi

Upplýsingar um öryggismál til starfsfólks og gesta.
Ber ábyrgð á að unnið sé samkvæmt starfs- og verklýsingum og umgengnisreglum.
Yfirumsjón með afgreiðslu- og kortakerfi.
Starfsfólk ber ábyrgð á að reglugerð um hollustuhætti á sund- og baðstöðum sé framfylgt.

Hæfniskröfur

Góð almenn menntun sem nýtist í starfi sambærileg stúdents- eða sveinsprófi eða jafngildrar þekkingar á starfssviðinu.
Nám eða námskeið á sviði þjónustumála.
Reynsla af þjónustustarfi.
Skipulagshæfileikar.
Hæfni í mannlegum samskiptum.
Þjónustulund.
Frumkvæði og sjálfstæð vinnubrögð.
Almenn tölvukunnátta skilyrði.
Gott vald á íslensku máli.
Kunnátta í ensku æskileg.
Hreint sakavottorð.
Umsækjendur þurfa að hafa náð 18 ára aldri.
Laun eru samkvæmt samningi Reykjavíkurborgar og Sameykis.