Aðstoðarumsjónarmaður á frístundaheimili í Hofsstaðaskóla
Laus er til umsóknar staða aðstoðarumsjónarmanns í 80% starfi í frístundaheimilinu Regnboganum í Hofsstaðaskóla. Frístundaheimilið þjónar um 200 börnum í 1.-4. bekk og veitir þeim og foreldrum þeirra heildstæða og faglega frítímaþjónustu í samþættu skóla- og frístundastarfi. Möguleiki er á 100% starfi með því að taka að sér önnur verkefni innan skólans.
Í Hofsstaðaskóla eru 460 nemendur í 1. - 7. bekk og þar starfa um 90 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar. Nánari upplýsingar um skólann má finna á vefsíðunni www.hofsstadaskoli.is
- Skipulagning og umsjón með faglegu starfi og daglegum rekstri Regnbogans í samstarfi við umsjónarmann.
- Samskipti og samstarf við skólann, félög og aðra þá sem bjóða upp á tómstundastarf fyrir börn
- Samstarf og samskipti við foreldra og starfsfólk skólans
- Upplýsinga- og kynningarstarf
- Staðgengill umsjónarmanns
- Háskólamenntun sem nýtist í starfinu t.d. í tómstundafræðum, uppeldisfræðum eða sambærileg menntun
- Reynsla af starfi á frístundaheimili æskileg
- Reynsla af starfi með börnum æskileg
- Íslenskukunnátta á stigi B2 samkvæmt evrópska tungumálarammanum
- Hæfni í mannlegum samskiptum, jákvæðni, frumkvæði og dugnaður
- Almenn tölvukunnátta auk skipulags- og stjórnunarhæfileika
Starfsmenn sveitarfélagsins fá hreyfistyrk, frítt í sund, bókasafn Garðabæjar og Hönnunarsafn Íslands. Þá hefur starfsfólk í skólum Garðabæjar möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi skóla bæjarins.
Íslenska
